कात्रज : कात्रज चौकातील भाजी मंडईपासून पुढे सातारा रस्त्यावरील रस्ता रुंदीकरणाचे काम महापालिकेकडून हाती घेण्यात आले आहे. यासाठी आधी पावसाळी पाण्याची वाहिनी टाकण्याच्या कामासाठी रस्ता खोदण्यात आला असून, काम सुरू करण्यात आले. मात्र, संथ कामामुळे मोठ्या प्रमाणावर वाहतूक कोंडी होत असल्याचे दिसून येत आहे. त्यामुळे महापालिकेने कामाला गती द्यावी, अशी मागणी नागरिकांनी केली.