पुणे : सावित्रीबाई फुले पुणे विद्यापीठाशी संलग्न होऊन पाच वर्षांपेक्षा अधिक कालावधी उलटला तरी अद्याप एकदाही राष्ट्रीय मूल्यांकन व अधिस्वीकृती परिषदेकडून (नॅक) मूल्यांकन न केलेल्या महाविद्यालयांचे लवकरच बायनरी मूल्यांकन सुरू होणार आहे. या मूल्यांकनासाठी महाविद्यालयांनी प्रस्ताव सादर करावे, असा आदेश विद्यापीठाने दिला आहे. दरम्यान, विद्यापीठाशी संलग्न आणि अद्याप एकदाही नॅक मूल्यांकन न केलेल्या ११६ महाविद्यालयांची यादी विद्यापीठ प्रशासनाने जाहीर केली आहे.