पुणे - सावित्रीबाई फुले पुणे विद्यापीठाचा २०२५-२६ या आर्थिक वर्षांसाठी एकूण ५६६ कोटी रुपये जमेचा आणि तब्बल ६४८ कोटी रुपये खर्चाचा अर्थसंकल्प सादर करण्यात आला.
अर्थसंकल्पात एकूण ८२ कोटी रुपयांची तुट दर्शविली असून गेल्या वर्षीच्या तुलनेत १७ कोटी रुपयांनी ही तूट कमी झाली आहे. यंदा चार शिष्यवृत्ती योजनांमधील तरतुदीत भरीव वाढ करण्यात आली असून संशोधन आणि गुणवत्ता, विद्यार्थी विकास, विद्यार्थी वसतिगृह यांसाठी भरीव तरतुद केल्याचे दिसून येते.
विद्यापीठाची अर्थसंकल्पीय अधिसभा शनिवारी झाली. कुलगुरू डॉ. सुरेश गोसावी यांच्या अध्यक्षतेखाली झालेल्या अधिसभेला प्र-कुलगुरू डॉ. पराग काळकर, प्रभारी कुलसचिव डॉ. ज्योती भाकरे आदी उपस्थित होते. यावेळी सायंकाळी साडे सातच्या सुमारास व्यवस्थापन परिषदेचे सदस्य रविंद्र शिंगणापूरकर यांनी अर्थसंकल्प सादर केला.
अर्थसंकल्पात विद्यार्थी विषयक सेवा व सुविधा, शैक्षणिक गुणवत्ता सुधार कार्यक्रम, उपकेंद्रांचे बांधकाम यावर विशेष खर्च केला आहे. संशोधन प्रकल्प प्रसिद्धी, नाविन्यता जागरुकता योजना, बौद्धिक संपदा हक्क, यावर अर्थसंकल्पात विशेष तरतुद आहे.
वसतिगृहासाठी भरीव तरतुद
संशोधनास प्रोत्साहन देण्यासाठी १४ मजली संशोधन विद्यार्थी वसतिगृह ए विंग आणि बी विंग अशा दोन स्वतंत्र इमारती बांधण्यात येत असून प्रत्येक वसतिगृहात ५१३ विद्यार्थ्यांची राहण्याची व्यवस्था होणार असल्याचे स्पष्ट करण्यात आले आहे. याशिवाय विद्यार्थ्यांसाठी नव्याने वसतिगृह बांधणे, क्षमता वाढविणे आणि देखभाल व विकासापोटी २९ कोटी ५६ लाख रुपयांची तरतुद प्रस्तावित करण्यात आली आहे.
चार शिष्यवृत्तीमध्ये एक कोटी ८५ लाखाने वाढ
शिष्यवृत्तीचे नाव : पूर्वीची तरतुद : २०२५-२६मधील प्रस्तावित तरतूद
- लोकशाहीर अण्णाभाऊ साठे अर्थसहाय्य योजना : १ कोटी रुपये : १ कोटी २५ लाख रुपये
- महात्मा जोतीराव फुले अर्थसहाय्य योजना : २ कोटी रुपये : २ कोटी ३० लाख रुपये
- राजर्षी छत्रपती शाहू महाराज अर्थसहाय्य योजना : २ कोटी रुपये : २ कोटी ३० लाख रुपये
- स्वामी विवेकानंद अर्थसहाय्य योजना : १ कोटी २५ लाख रुपये : २ कोटी २५ लाख रुपये
अर्थसंकल्पातील वैशिष्ट्ये -
- क्रांतीवीर बिरसा मुंडा आदिवासी अध्यासन स्थापनेसाठी पाच लाख रुपयांची तरतुद
- नाशिक, अहिल्यानगर उपकेंद्र इमारत बांधण्यासाठी प्रत्येकी पाच कोटी रुपयांची तरतुद
- प्राणीगृह बांधण्यासाठी तीन कोटी रुपयांची तरतुद
- विद्यार्थी विकास मंडळाच्या देखभाल व विकासासाठी १२ कोटी ९६ लाख रुपयांची तरतुद
- कर्मवीर भाऊराव पाटील कमवा व शिका योजनेअंतर्गत ७ कोटी ५० लाख रुपयांची तरतुद
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.