Vice Chancellor : पुणे विद्यापीठाच्या कुलगुरू पदाची मुलाखत अंतिम टप्प्यात

सावित्रीबाई फुले पुणे विद्यापीठाच्या कुलगुरू निवड प्रक्रियेला सुरुवात झाली असून शुक्रवारी (ता.१९) मुलाखतीचा अंतिम टप्पा आहे.
savitribai phule pune University
savitribai phule pune Universityesakal

पुणे - सावित्रीबाई फुले पुणे विद्यापीठाच्या कुलगुरू निवड प्रक्रियेला सुरुवात झाली असून शुक्रवारी (ता.१९) मुलाखतीचा अंतिम टप्पा आहे. कुलगुरू पदासाठी अर्ज केलेल्या २७ उमेदवारांची मुलाखत गुरूवारी आणि शुक्रवारी पार पडत आहे. आता यातू पाच उमेदवारांची नावे निवडून राज्यपालांकडे पाठवली जातील. या पाच उमेदवारांची मुलाखत घेतल्यानंतर साधारणपणे मे महिना अखेरीस किंवा जून महिन्यात विद्यापीठाला नवीन कुलगुरू मिळतील, अशी शक्यता व्यक्त केली जात आहे.

विद्यापीठाचे माजी कुलगुरू नितीन करमळकर यांच्या निवृत्तीनंतर रिक्त झालेले कुलगुरू पद भरण्याबाबतची प्रक्रिया सुरू झाली आहे. पुणे विद्यापीठातीलच सध्या कार्यरत असलेल्या ११ जणांनी कुलगुरू पदासाठी अर्ज केला आहे. विद्यापीठातील काही उमेदवारांच्या मुलाखती गुरूवारी झाल्या असून उर्वरित उमेदवार शुक्रवारी मुलाखतीला जाणार आहेत. त्यामुळे विद्यापीठाच्या कुलगुरू पदाची माळ कोणाच्या गळ्यात पडणार याबाबत उत्सुकता निर्माण झाली आहे.

savitribai phule pune University
Sakal Natya Mahotsav : एका लग्नाची ‘सदाबहार’ गोष्ट; ‘सकाळ नाट्य महोत्सवा’त शुक्रवारी प्रयोग

काय आहेत निकष?

कुलगुरू पदाच्या पात्रतेचे निकष उपलब्ध आहेत. प्राध्यापक म्हणून दहा वर्षे काम केलेल्या व्यक्तीला कुलगुरू पदासाठी अर्ज करता येतो. परंतु, संबंधित उमेदवाराचा शैक्षणिक व प्रशासकीय अनुभव तपासला जातो. उमेदवाराने आत्तापर्यंत कोठे काय काय केले आहे? हे पाहिले जाते. वेब ऑफ सायन्स वरील व गुगल स्कॉलर साईटेशन, एच इंडेक्स, पब्लिकेशन्स आदी माहिती सुद्धा लक्षात घेतली जाते. उमेदवाराच्या नावे असणारे पेटेन्ट, विद्यापीठांच्या अधिकार मंडळावर केलेल्या कामाचा अनुभव, विद्यार्थ्यांसाठी राबवलेले विशेष उपक्रम, रिसर्च प्रोजेक्ट, उमेदवाराचा सोशल अवेअरनेस आदी गोष्टी मुलाखती दरम्यान पाहिल्या जातात.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com