Pune News | वाहनचोरी करणाऱ्याला ठोकल्या बेड्या; लष्कर पोलिसांची कामगिरी | Sakal
sakal

बोलून बातमी शोधा

बेड्या

पुणे : वाहनचोरी करणाऱ्याला ठोकल्या बेड्या; लष्कर पोलिसांची कामगिरी

कॅन्टोन्मेंट : वाहनचोरी करणाऱ्याला लष्कर पोलिसांनी अटक करून चार मोटारसायकल असा एकूण एक लाख १०हजार रुपयांचा मुद्देमाल जप्त केला. पोलिसांनी लष्कर पोलीस स्टेशन हद्दीतील शासकीय ७ आणि खासगी १२ सीसीटीव्ही फुटेजच्या माध्यमातून आरोपीच्या मुसक्या आवळल्या. सरफाज इकबाल मोमीन (वय २५, रा. आलीफ टॉवरजवळ, कोंढवा, पुणे) असे अटक केलेल्या वाहनचोराचे नाव आहे.

लष्कर पोलीस स्टेशन हद्दीत पेट्रोलिंग करीत असताना संशयित आरोपी सोलापूर बाजार, कॅम्प येथे हिरोहोंडा स्पेंडर घेऊन थांबल्याची माहिती सूत्रांकडून मिळाली. त्यानुसार पोलिसांनी घटनास्थळी धाव घेत आरोपीला ताब्यात घेतले. गुन्ह्याच्या अनुषंगाने तपास केला असता तीन-चार दिवसापूर्वी कॅम्पमधून दुचाकी चोरल्याची कबुली दिली. पोलीस कोठडीत आरोपीकडे तपास केला असता त्याने तीन दुचाक्या चोरल्याची कबुली दिली. लष्कर पोलीस स्टेशनचे सहायक पोलीस निरीक्षक शीतलकुमार गायकवाड पुढील तपास करीत आहेत.

पोलीस उपायुक्त सागर पाटील, सहायक पोलीस आयुक्त यशवंत गवारी, लष्कर पोलीस स्टेशनचे वरिष्ठ पोलीस निरीक्षक अशोक कदम यांच्या नेतृत्वाखाली सहायक पोलीस निरीक्षक शीतलकुमार गायकवाड, पोलीस उपनिरीक्षक डोंगळे, पोलीस हवालदार कदम, कोळी, मांजरे, तांबोळी, शिरगिरे, बोसले यांच्या पथकाने ही दमदार कामगिरी केली.

Web Title: Pune Vehicle Thief Arrested By Army Police

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune News