ShivajiNagar: नळातून गढूळ व दुर्गंधीयुक्त पाणीपुरवठा होत असल्याने गोखलेनगर, जनवाडी परिसरीतील नागरिकांचे आरोग्य धोक्यात आले आहे. जनवाडी मस्जिद समोरील नाना टी हॅाटेल, ओटा घर , एकता सोसायटी परिसरात राहणाऱ्या नागरिकांच्या घरात नळाला आठ ते दहा दिवसापासून गढूळ व दुर्गंधीयुक्त पाणी येत आहे.
दुर्गंधीयुक्त पाणी पिण्यासाठी कसे वापरायचे? असा प्रश्न रहिवाशांना पडला आहे. याबाबत अधिक माहिती घेतली असता रहिवासी शारूख शेख म्हणाले, " जलवाहिन्या खूप जुन्या झालेल्या आहेत.
त्या ड्रेनेज लाईनमधून येत असल्याने ज्या ठिकाणी जलवाहिन्या खराब झाल्या आहेत त्या ठिकाणाहून ड्रेनेजचे पाणी जलवाहिन्यात येते, तेच पाणी नळाव्दारे नागरिकांच्या घरी येते. पाण्याची दुर्गंधी येत असून पाणी पिण्यासाठी विकत घ्यावे लागत आहे." याबाबत केदार साठे उपअभियंता पाणीपुरवठा विभाग महापालिका यांना संपर्क केला असता प्रतीसाद मिळाला नाही.
"गोखलेनगर, जनवाडी परिसरातील ओटा घर व एकता सोसायटी मध्ये नागरिकांना गढूळ पाणी येत असल्याची तक्रार येत आहे. अधिकाऱ्यांना नम्र विनंती की ह्याची लवकरात लवकर दखल घ्यावी, नागरिकांच्या आरोग्याशी हलगर्जीपणा केला तर शिवसेनेच्या वतीने तीव्र आंदोलन करण्यात येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.