पुणे : शहरामध्ये १ मे ला ४१ अंश सेल्सिअस इतक्या कमाल तापमानाची नोंद करण्यात आली होती. गेल्या आठ दिवसांत शहरातील कमाल तापमान १० अंश सेल्सिअसने घसरले आहे. पुढील दोन दिवसांत कमाल तापमानामध्ये किंचित घट होणार असून पुढील चार दिवस मेघगर्जना, विजांचा कडकडाट, आणि वादळी वाऱ्यासह हलक्या ते मध्यम स्वरूपाचा पाऊस पडण्याची शक्यता आहे. त्यामुळे पुणे शहराला पुढील चार दिवस ‘यलो’ अलर्ट देण्यात आला आहे.