कोंढवा : येवलेवाडी चौक ते बोपदेव घाट मार्गावरील रस्त्याची मोठ्या प्रमाणात दुरवस्था झाली आहे. याचा स्थानिकांकडून निषेध नोंदविण्यात आला. येवलेवाडी ग्रामस्थांच्या वतीने या मार्गावरील रस्त्याची दुरुस्ती व्हावी यासाठी सार्वजनिक बांधकाम खात्याच्या विरोधात खड्ड्यांमध्ये झाडे लावून आंदोलन करण्यात आले.
भाजपचे पश्चिम महाराष्ट्र अध्यक्ष जालींदर कामठे यांच्या नेतृत्वाखाली हे आंदोलन करण्यात आले. सदरचा रस्ता हा प्रचंड मोठ्या प्रमाणावर वाहतुकीचा आहे. सदर मार्गावर महाविद्यालय असून विद्यार्थ्यांची ये-जा असते.
तसेच सासवड मार्गाने ये-जा करणारे शेतकरी नागरिक याच रस्त्याचा वापर करत असतात. रस्त्यावर मोठ्या प्रमाणावर खड्डे पडले आहेत. त्यामुळे येथे वारंवार अपघात होतात। नागरिकांना आणि विद्यार्थ्यांना जीव मुठीत घेऊन प्रवास करावा लागतो.
सार्वजनिक बांधकाम विभाग याकडे दुर्लक्ष करत असल्याने ग्रामस्थांच्या वतीने अशा प्रकारच्या अंदोलनाचा पवित्रा घेतला असल्याचे कामठे यांनी सांगितले. पुढील आठ दिवसात जर सदर मार्गाची दुरुस्ती झाली नाही तर रस्त्यावर उतरून आंदोलन करू असा इशारा सार्वजनिक बांधकाम खात्या विरोधात यावेळी ग्रामस्थांच्या वतीने देण्यात आला.
यावेळी माजी उपसरपंच दादासाहेब कामठे, संदीप धांडेकर, संजय शेंडकर, विजय धांडेकर, मच्छिंद्र धांडेकर, उत्तम जावीर, देवराम देवकाते, बाप्पू गुंजाळ यांच्यासह येवलेवाडी ग्रामस्थ उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
