पुरंदर तालुक्यात झाली लाही लाही; तापमान 40.6 वर

सासवड - येथे सासवडसह पुरंदर तालुक्यातील (Purandar Tahsil) तापमान (Temperature) ४०.६ अंश सेल्सिअसवर पोचले. पुरंदर तालुका डोंगरी असून सर्व बाजूने घाटमाथ्यावर यावे लागते. त्यामुळे इतर तालुक्याच्या तुलनेत येथे हवामान (Weather) चांगले असते. परंतु तरीही उन्हामुळे यंदा प्रथमच अंगाची लाही लाही झाली आहे.

सासवडचे कमाल तापमान एप्रिल-मेमध्ये 35 ते 38 या दरम्यान असते, परंतु काल 39.9 आणि आज 40.6 तापमान झाले. तर किमान तापमान २३.२ अंशावर पोचले. या वषीॕची सर्वात जास्त तापमान नोंद आचार्य अञे वेधशाळेत झाल्याचे वेधशाळेचे व्यवस्थापक नितीन यादव यांनी सांगितले. राज्यात उन्हाचा चटका चांगलाच वाढल्याने अंगाची लाही लाही होत आहे. त्यात घाटावरच्या थंड भागातील प्रदेशात सुद्धा तापमान वाढ झाली आहे., ही गंभीर बाब आहे. या तापमान वाढीचा परिणाम पिण्याच्या पाण्याची टंचाई, उन्हाळी पिकांना चटका, फळबागांची होरपळ होण्यावर झाला आहे. सकाळी 11 ते 4 या दरम्यान बाहेर पडणाऱ्यांची पंचाईत झाली आहे. थंड पेय, रसवंती, आईस्क्रीम, कलिंगड, रसाळ फळे यांची खरेदी वाढली आहे. परंतु वीज भारनियमन याने विविध व्यवसायांची पोळी शेकली आहे.