![Pune Racecourse](http://media.assettype.com/esakal%2F2021-08%2F64316e37-33c6-405d-9be6-2a79633eec91%2Fpune_racecourse.jpg?w=480&auto=format%2Ccompress&fit=max)
घोरपडी - केंद्र सरकार (Central Government) व राज्य सरकारचे (State Government) नियम (Rules) शिथिल झाल्यामुळे अनेक ठिकाणी मैदाने, जॉगिंग ट्रॅक सुरू करण्यात आले आहेत. तसेच आतापर्यंत बंद असलेले रेसकोर्स मैदानही (Racecourse Ground) सर्वसामान्य नागरिकांसाठी उद्यापासून खुले (Open) होणार आहे. यामुळे येथे नियमित येणाऱ्या हजारों नागरिकांना मोठा दिलासा मिळाला आहे.
सकाळने यासंदर्भात १२ ऑगस्टला बातमी दिली होती. त्याची दखल घेत पुणे कॅन्टोमेंट बोर्डाने रेसकोर्सच्या व्यवस्थापनास मैदान सर्वसामान्य नागरिकांसाठी खुले करण्याची परवानगी दिली आहे. त्यानुसार उद्यापासून पहाटे पाच ते सकाळी नऊ आणि संध्याकाळी चार ते संध्याकाळी सात पर्यंत आठवड्यातील सर्व दिवस मैदान खुले राहणार आहे.
रेसकोर्सवर अनेक वर्षांपासून हजारोंच्या संख्येने नागरिक सकाळी व संध्याकाळी चालण्यासाठी किंवा व्यायामासाठी येतात. तसेच प्रशिक्षित व इतर खेळाडू या मैदानाचा सरावासाठी उपयोग करतात. लॉकडाऊनचे नियम शिथिल होऊनही रेसकोर्स बंद असल्याने खेळाडू व फिटनेसप्रेमी नाराज होते. त्यांनाही यामुळे दिलासा मिळाला आहे.
रेसकोर्स मध्ये दोन किलोमीटर लांबीचा जॉगिंग ट्रॅक, व्यायाम, योग करण्यासाठी प्रशस्त मैदान आहे. दुसरी लाट आल्यावर सर्वसामान्य नागरिकांना रेसकोर्सवर प्रवेश बंद करण्यात होते. मैदान खुले करण्याची परवानगी मिळाल्याने सर्व फिटनेस प्रेमींची आता प्रतीक्षा संपली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.