विलास मादगुडे
हिर्डोशी : भोर तालुक्यातील आंबवडे खोऱ्यात भोरपासून २८ किलोमीटरवर अंतर असलेल्या रायरेश्वर येथील मंदिरात छत्रपती शिवाजी महाराजांनी स्वराज्याची शपथ घेतली होती. येथे येणाऱ्या पर्यटकांमध्ये युवकांचे प्रमाण जास्त असले तरी सहकुटुंब येणाऱ्या पर्यटकांची संख्या जास्त आहे. येथे आल्यावर सर्वांना प्रसन्न वाटते, परंतु गेल्या अनेक वर्षांपासून सुविधांचा अभाव असल्याने पर्यटकांचा काहीसा हिरमोड होत आहे.