आंतरधर्मीय विवाह प्रकरणातील तरुणी लोहमार्ग पोलिसांच्या ताब्यात | Sakal
sakal

बोलून बातमी शोधा

crime

पुणे - अमरावती येथून अपहरण केलेल्या व धमकावून आंतरधर्मीय विवाह करण्याचा आरोप करण्यात आलेल्या तरुणीस पुणे लोहमार्ग पोलिसांनी सातारा रेल्वे स्थानकातुन ताब्यात घेतले. खासदार नवनीत राणा यांनी संबंधित आंतरधर्मीय विवाह प्रकरणावरुन अमरावतीधील वरिष्ठ अधिकाऱ्यांना जाब विचारत गोंधळ घातल्याचा प्रकार उघडकीस आला होता. दरम्यान, पोलिसांनी संबंधित तरुणीस ताब्यात घेतले.

अमरावतीमधील एक तरुणी बेपत्ता झाल्याबाबतची तक्रार तिच्या कुटुंबीयांनी तेथील पोलिस ठाण्यात दिली होती. तरुणीचे अपहरण करुन तिला धमकावुन आंतरधर्मीय विवाह करण्यास भाग पाडल्याचा आरोप करण्यात आला होता. दरम्यान, संबंधित तरुणी पुणे परिसरात असल्याची माहिती पोलिसांनी केलेल्या तांत्रिक विश्‍लेषणामध्ये मिळाली होती. अमरावती पोलिसांनी तरुणीचे छायाचित्र पुणे लोहमार्ग पोलिसांना पाठविले होते. दरम्यान, तरुणी "निजामुद्दीन ते वास्को- गोवा' या रेल्वे गाडीने गोव्याकडे जात असल्याची माहिती लोहमार्ग पोलिसांना मिळाली होती.

आंतरधर्मीय विवाह प्रकरणातील तरुणी लोहमार्ग पोलिसांच्या ताब्यात

बुधवारी रात्रीच्या सुमारास रेल्वे गाडी सातारा रेल्वे स्थानक परिसरात आल्यानंतर रेल्वे प्रशासनाला याबाबतची माहिती देण्यात आली. त्यानंतर सातारा रेल्वे स्थानक परिसरात रेल्वेगाडी थांबवून लोहमार्ग तरुणीला ताब्यात घेतले. तरुणी एकटी प्रवास करत असल्याचे पोलिसांना आढळून आले आहे. संबंधित तरुणीला सातारा पोलिसांच्या ताब्यात देण्यात आले आहे. त्यांनी गुरुवारी साताऱ्यामध्ये दाखल झालेल्या अमरावती पोलिसांच्या ताब्यात तरुणीला दिले.

'अमरावतीमधील तरुणीला लोहमार्ग पोलिसांनी ताब्यात घेतले असून तिला सातारा पोलिसांच्या ताब्यात दिले आहे. त्यानंतर गुरुवारी साताऱ्यामध्ये दाखल झालेल्या अमरावती पोलिसांच्या पथकाच्या तायात तरुणीला देण्यात आले आहे.'

- सदानंद वायसे-पाटील, पोलीस अधीक्षक लोहमार्ग पुणे विभाग

Web Title: Railway Police Custody Of Young Woman In Intercaste Marriage Case Crime

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..