Lockdown : रेल्वेची आरक्षण केंद्रे 14 एप्रिलपर्यंत बंद

पुणे : रेल्वेची आरक्षण केंद्रे 14 एप्रिलपर्यंत बंद राहणार असल्याचे मध्य रेल्वेच्या पुणे विभागाने स्पष्ट केले आहे. त्यानंतरच्या प्रवासासाठी आरक्षण खुले झाले असून प्रवाशांनी ते ऑनलाईन पद्धतीने करावे, असे आवाहन रेल्वेने केले आहे.

बातम्या ऐकण्यासाठी डाऊनलोड करा ई-सकाळचे ऍप
एक्‍स्प्रेस, इंटरसिटी, डेमू पॅसेंजर ट्रेन, लोकल आदी गाड्यांसाठी आरक्षण केंद्र 14 एप्रिलपर्यंत बंद राहणार आहे. तसेच त्यांची तिकिट विक्रीही त्या काळात बंद असेल. तसेच 14 एप्रिलनंतर प्रवासासाठी ज्यांना आरक्षण करायचे आहे, त्यांनी "आयआरसीटीसी'च्या संकेतस्थळावर जाऊन आरक्षण करावे, असे आवाहन रेल्वेने केले आहे.

सर्दी,खोकल्यापासून "फेस शिल्ड'द्वारे बचाव
 कोरोनामुळे ज्या रेल्वे गाड्या रद्द करण्यात आल्या आहेत, त्यांना पूर्ण परतावा मिळणार आहे. ऑनलाईन बुकींग ज्यांनी केले आहे, त्यांना त्याच खात्यात आर्थिक परतावा मिळेल. तसेच त्यांनी तिकिट खिडकीवरून आरक्षण केले आहे परंतु, त्यांना आता ते रद्द करायचे आहे, त्यांनाही 14 एप्रिलनंतर तिकिट खिडकीवरून परतावा मिळणार असल्याचे मध्य रेल्वेच्या पुणे विभागाचे जनसंपर्क अधिकारी मनोज झंवर यांनी स्पष्ट केले आहे.