वाई:-राजेश भोज यांना राज्यस्तरीय आदर्श शिक्षक पुरस्कार. विद्यानिकेतन प्रतिष्ठानचा उपक्रम.

आदर्श शिक्षक पुरस्काराने
राजेश भोज यांचा गौरव

वाई. ता. २३ : येथील यशवंत शिक्षण संस्थेच्या तर्कतीर्थ लक्ष्मणशास्त्री जोशी विद्यालयातील
मराठी विभाग प्रमुख राजेश भोज यांना विद्यानिकेतन प्रतिष्ठान या सामाजिक व शैक्षणिक संस्थेच्या वतीने आदर्श शिक्षक पुरस्कार देऊन गौरवण्यात आले.
भोज हे मराठी विषयाचे अध्यापक, बालनाट्य लेखक व सर्वांगी प्रतिष्ठान वाईचे अध्यक्ष असून, अनेक सामाजिक संस्थांशी जोडले गेलेले आहेत. त्यांच्या शैक्षणिक, सामाजिक, सांस्कृतिक व साहित्य क्षेत्रातील कार्याची दखल घेऊन त्यांना हा पुरस्कार देण्यात आल्याचे विद्यानिकेतन संस्थेचे अध्यक्ष शशिकांत कोचळे यांनी सांगितले.
नगराध्यक्ष अनिल सावंत, नगरसेवक विजय ढेकाने, प्रसाद बनकर, सतीश बनवट व संतोष शिंदे आदी मान्यवरांच्या उपस्थितीत नुकतेच पुरस्काराचे वितरण झाले. त्या वेळी संपूर्ण महाराष्ट्रातून ३१ पुरस्कारार्थींना सन्मानित करण्यात आले. या पुरस्काराबद्दल त्यांचे अभिनंदन होत आहे.

----------------------------

07611
वाई : विद्यानिकेतन संस्थेच्या राज्यस्तरीय आदर्श शिक्षक पुरस्कार संतोष शिंदे यांच्या हस्ते स्वीकारताना राजेश भोज व सोनाली भोज.

--------------------------