पुणे : सिंहगड रस्त्याने जायचंय? करावा लागेल अडचणींचा सामना

पुणे : सिंहगड रस्त्याने जायचंय? करावा लागेल अडचणींचा सामना

किरकटवाडी : दोन वर्षांपासून रखडलेले सिंहगड रस्त्याचे काम, अर्धवट सोडलेले खडकवासला बाह्यवळण रस्त्याचे काम व रस्त्याची झालेली दुरावस्था याविरोधात खडकवासला ग्रामस्थ उद्या (शनिवार) रास्ता रोको आंदोलन करणार आहेत. 

सकाळी दहा वाजल्यापासून मुख्य सिंहगड रस्त्यावर खडकवासला येथील बालाजी वॉशिंग सेंटरसमोर 'रास्ता रोको' आंदोलन करणार असल्याचे जाहीर केले आहे. त्याबाबतचे निवेदन सार्वजनिक बांधकाम विभाग व हवेली पोलिस ठाण्यात देण्यात आले आहे. 

सार्वजनिक बांधकाम विभागाकडून रस्त्याचे काम कधी पूर्ण होणार याबाबत लेखी आश्वासन मिळाल्याशिवाय रास्ता रोको आंदोलन स्थगित केले जाणार नाही. रुग्णवाहिका वगळता एकही वाहन रस्त्यावरून जाऊ दिले जाणार नाही, अशी तीव्र भूमिका खडकवासला येथील नागरिकांनी जाहीर केली आहे.

डोणजे येथे 'हवेली तालुका अजिंक्य' कुस्ती स्पर्धेचे आयोजन शनिवारी करण्यात आहे. त्यामध्ये रास्ता रोको न करण्याचे आवाहन हवेली पोलिस स्टेशनच्या वतीने खडकवासला ग्रामस्थांना करण्यात आले आहे; मात्र ग्रामस्थ आंदोलनावर ठाम असल्याचे कळत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com