पुणे जिल्ह्याला दिलासा; नवीन रुग्णांपेक्षा कोरोनामुक्तांचे प्रमाण अधिक

पुणे : पुणे जिल्ह्यात बुधवारी (ता.२६) सलग दुसऱ्या दिवशी दिवसातील एकूण नवीन कोरोना(CORONA PATIENTS) रुग्णांच्या तुलनेत कोरोनामुक्त झालेल्यांची संख्या अधिक झाली आहे. बुधवारी दिवसांत जिल्ह्यात ११ हजार ३५८ नवे कोरोना रुग्ण आढळून आले असून १२ हजार ३७१ जणांनी कोरोनावर मात केली आहे. दिवसभरात जिल्ह्यातील सात रुग्णांचा कोरोनाने मृत्यू झाला आहे. दिवसातील एकूण मृत्यूमध्ये पुणे शहर व पिंपरी-चिंचवडमधील प्रत्येकी तीन आणि जिल्हा परिषद कार्यक्षेत्रातील १ कोरोना मृत्यू आहे. दिवसभरात नगरपालिका आणि कॅंटोन्मेंट बोर्ड क्षेत्रात एकाही रुग्णाचा कोरोनाने मृत्यू झाला नाही. (pune corona update)

जिल्ह्यातील दिवसातील एकूण नवीन कोरोना रुग्णांमध्ये( corona update) पुणे शहरातील सर्वाधिक ५ हजार ५२१ नवे रुग्ण आहेत. पिंपरी चिंचवडमध्ये ३ हजार ४९१, जिल्हा परिषद कार्यक्षेत्रात १ हजार ८३३, नगरपालिका हद्दीत ३७५ आणि कॅंटोन्मेंट बोर्ड क्षेत्रात १३८ नवे रुग्ण सापडले आहेत. एकूण कोरोनामुक्तांमध्ये शहरातील सर्वाधिक ६ हजार ३३३ जण आहेत. पिंपरी चिंचवडमधील(pimpri chinchwad) ३ हजार ४९४, जिल्हा परिषद कार्यक्षेत्रातील १ हजार ८७२, नगरपालिका हद्दीतील ६०० आणि कॅंटोन्मेंट बोर्ड क्षेत्रातील ७२ जणांनी कोरोनावर मात केली आहे.(pune corona update)