वाघोली - शौर्य पहाट कार्यक्रमात अनुयायींचा जल्लोष बघता रिपब्लिकन सेनेचे सरसेनानी आनंदराज आंबेडकर यांनीही ठेका धरण्याचा मोह आवरला नाही. काही गाण्यावर त्यांनीही ठेका धरला होता..विजयस्तंभाच्या डाव्या बाजूला सभा मंडपात सकाळी शौर्य पहाट कार्यक्रमाचे आयोजन करण्यात आले होते. यामध्ये अनेक गायकांनी आपली गाणी सादर केली. ही गाणी ऐकण्यासाठी मोठ्याप्रमाणावर अनुयायींनी गर्दी होती. यामध्ये महिलांचाही समावेश होता..मान वंदनेला येती भीम राया काळजावरती कोरल्या भीमा कोरेगाव, स्वाभिमानी सैनिकांनी झुंज दिली रे न्यारी... अशी अनेक गाणी गायक मेघानंद जाधव, विपीन तत्तद, अजय देहादे या गायकांनी सादर केली. हा कार्यक्रम ऐकण्यासाठी आनंदराज आंबेडकर उपस्थितीत होते. मान वंदनेला येती भीम राया काळजावरती कोरलय भीमा कोरेगाव... या गाण्यावर उपस्थित अनुयायींनी चांगलाच ठेका धरला..अनुयायींचा हा जल्लोष पाहता आनंदराजआंबेडकर हे ही व्यासपीठावर पुढे आले व टाळ्या वाजवत त्यांनीही ठेका धरला. आंबेडकर यांचा ठेका पाहुन अनुयायींचा जल्लोष अधिकच वाढला. झेंडे फडकवत, शिट्या वाजवत जोरदार ठेका अनुयायींनीही धरला. या गाण्यांनी मैफिलच सजून गेली. युवराज बनसोडे, विवेक बनसोडे,सर्जेराव वाघमारे यांनी या कार्यक्रमाचे आयोजन केले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
