वीजबिलांच्या तक्रारींसाठी 'महावितरण'ने उचललं 'हे' पाऊल; वाचा सविस्तर बातमी

पुणे : जून महिन्यामध्ये मागील दोन महिन्यांसह मीटर रीडिंगनुसार वीजबिल दिल्यानंतर त्याबाबतीत ग्राहकांमध्ये असलेल्या शंकांचे निरसन तसेच तक्रारींचे निवारण करण्यासाठी महावितरणने 'ग्राहक तक्रार निवारण कक्ष' सुरु करण्याचा निर्णय घेतला आहे. या कक्षात वीजबिलांबाबत ग्राहकांचा संभ्रम दूर करण्याबरोबरच विविध ठिकाणी मेळाव्यांसह "वेबिनार'चे देखील आयोजन करण्यात येणार आहे. 

- 'सायकलींचं नाही, इलेक्ट्रिक बाईकचं शहर' अशी मिळणार पुण्याला नवी ओळख; काय आहे कारण?

लॉकडाऊनच्या कालावधीमध्ये ग्राहकांकडील मीटरचे रीडिंग घेता आले नाही. त्यामुळे एप्रिल व मे महिन्यात सरासरी वीजवापरानुसार वीजबिल देण्यात आले. सध्या, मीटर रीडींग घेऊन प्रत्यक्ष वीजवापरानुसार एप्रिल व मे महिन्यांसह जून महिन्याचे एकत्रित वीजबिल देण्यात येत आहे. या वीजबिलाबाबत ग्राहकांमध्ये असलेला संभ्रम दूर करण्यासाठी महावितरणच्या शाखा, उपविभाग, विभाग, मंडल व परिमंडलस्तरावर ग्राहक तक्रार निवारण कक्ष सुरु करण्यात आले असल्याचे महावितरणकडून सांगण्यात आले. 

- स्थलांतरित कामगार होणार 'टेन्शन फ्री'; कामगार विभागानं घेतला 'हा' निर्णय!

महावितरणमधील तांत्रिक, लेखा, वित्त, आणि माहिती तंत्रज्ञान विभागातील सर्व कर्मचाऱ्यांचे वेगवेगळे गट तयार करून हे कक्ष सुरु करण्यात आले आहेत. यामध्ये जून महिन्याच्या वीजबिलाची आकारणी सांगण्यात येईल व ग्राहकांच्या तक्रारी व शंका दूर करण्यात येईल. तसेच शहरी भागात मोठमोठ्या रहिवाशी क्षेत्रांत किंवा सोसायट्यांमध्ये आणि ग्रामीण भागात गाव किंवा वाडी पातळीवर ग्राहक मेळाव्यांचे आयोजन करण्यात येणार असून वीजबिलांबाबत संभ्रम व तक्रारी दूर करण्यात येणार आहेत.

- कोरोनाच्या धास्तीमुळे पुण्याबाहेर पडणाऱ्या नागरिकांचे प्रमाण वाढले

त्याच बरोबरच मुख्य अभियंता, अधीक्षक अभियंता व कार्यकारी अभियंता यांच्यास्तरावर "वेबिनार'चे आयोजन करण्यात येणार आहे. तसेच पालकमंत्री, मंत्री, राज्यमंत्री तसेच खासदार, आमदार तसेच स्थानिक लोकप्रतिनिधी यांची महावितरणचे अधिकारी भेट घेऊन त्यांना जून महिन्याच्या वीजबिलाबाबत सविस्तर माहिती देणार आहेत. 

- पुण्याच्या बातम्या वाचण्यासाठी येथे ► क्लिक करा

शंका किंवा तक्रारी असल्यास...
महावितरणच्या https://billcal.mahadiscom.in/consumerbill/ या लिंकवर केवळ ग्राहक क्रमांक नमूद करून वीजबिलाची सविस्तर आकारणी तपासून पाहण्याची सुविधा उपलब्ध करून देण्यात आली आहे. महावितरणने एसएमएसद्वारे ही लिंक वीजग्राहकांना पाठविली आहे. यानंतरही काही शंका किंवा तक्रारी असल्यास महावितरणच्या कार्यालयात वीजबिलाबाबत योग्य माहिती उपलब्ध करून देण्यात येणार आहे, असेही महावितरणने कळविले आहे.

- ताज्या बातम्यांसाठी डाऊनलोड करा ई-सकाळचे ऍप