पुणे - मराठा साम्राज्याच्या वैभवाचा साक्षीदार असलेला ऐतिहासिक शनिवारवाडा मूळ सात मजली स्वरूपात पुन्हा उभारण्यात यावा. त्यासाठी सरकाराने पावले उचलावीत, अशी मागणी आमदार हेमंत रासने यांनी विधानसभेत केली. .१८२८ मधील भीषण आगीत नुकसान झालेली ही वास्तू सध्या भग्न अवस्थेत असून, दरवर्षी लाखो पर्यटक शनिवारवाड्याला भेट देतात. त्यामुळे या ऐतिहासिक वास्तूला पुन्हा गतवैभव निर्माण होणे गरजेचे आहे..तसेच शनिवारवाडा ते स्वारगेट आणि सारसबाग ते शनिवारवाडा या प्रस्तावित भुयारी मार्गांचा सविस्तर प्रकल्प अहवाल तातडीने पूर्ण करावा. मामलेदार कचेरी परिसरात क्रांतिकारक राजे उमाजी नाईक यांच्या राष्ट्रीय स्मारकासाठी निधीची तरतूद करण्याची मागणीही रासने यांनी केली..युडीसीपीआर नियमावलीतील जाचक अटींमुळे गावठाण भागातील वाड्यांचा प्रश्न रेंगाळला आहे. या नियमावलीत सुधारणा करून नागरिकांना दिलासा द्यावा. महापालिका कर्मचाऱ्यांच्या जीर्ण वसाहतींच्या पुनर्विकासाचा प्रकल्प नगरविकास विभागाने तातडीने हाती घ्यावा, अशी मागणीही रासने यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
