जेजुरीकरांनो, प्रतिबंधित क्षेत्रातून सुटका होतेय, पण या आहेत अटी... 

जेजुरी (पुणे) : जेजुरीत उद्यापासून (ता. २८) सकाळी नऊ ते सायंकाळी सहा या वेळेत सर्व दुकाने उघडण्यास परवानगी देण्यात आली आहे. प्रतिबंधीत क्षेत्रासाठी सकाळी नऊ ते दुपारी दोनपर्यंतच वेळ देण्यात आली आहे. शनिवारी रुग्णालयाच्या सेवा वगळता सर्व व्यवहार बंद असणार आहेत.

एमपीएससी टाकतेय कात, लवकरच येणार अॅप

जेजुरीत गेली चौदा दिवस अत्यावश्यक सेवा वगळता सर्व व्यवहार बंद होते. आज मुख्याधिकारी पूनम कदम यांनी उद्या सोमवारपासून सर्व दुकाने खुली होतील, मात्र त्यासाठी नगरपालिका प्रशासनाने नियमावली तयार केली आहे. त्यामध्ये नियम व अटी पाळून दुकाने खुली करण्यास परवानगी देण्यात आली आहे. घराबाहेर व्यायाम करण्यास सकाळी पहाटे पाच ते सायंकाळी सात वाजेपर्यंत नियम पाळून परवानगी देण्यात आली आहे. हॉटेल व्यावसायिकांना पार्सल सुविधा देण्यासाठी सकाळी नऊ ते रात्री नऊपर्यंत परवानगी देण्यात आली आहे. फळे व भाजीपाला सकाळी नऊ ते सायंकाळी सहापर्यंतच विक्री करता येणार आहे. केशकर्तनालय, लॉज, पानायल शासनाने ठरवून दिलेल्या वेळेतच व नियमानुसार सुरु राहतील. लग्न व अंत्यसंस्कारासाठी वीस जणांच्या उपस्थितीची शासनाची अट कायम आहे. 

पुण्याच्या आणखी बातम्या वाचण्यासाठी येथे क्लिक करा

सर्व दुकानदारांनी योग्य ती खबरदारी घेऊन व्यावसाय करावेत असे आवाहन मुख्याधिकारी यांनी केले आहे. शनिवार हा नेहमीप्रमाणे कडकडीत बंद राहील. शनिवारी रुग्णालये, औषध दुकाने व दुध विक्रीलाच परवागनी देण्यात आली आहे. गेली चौदा दिवस जेजुरीत फक्त अत्यावश्यक सेवा सुरु होत्या.