River Linking Project : नदीजोड प्रकल्पाच्या गेट नंबर चारच्या बोगद्यात दोन शेतकरी पडले: शोध कार्य सरू

शेटफळगढे - अकोले, ता. इंदापूर या गावाच्या हद्दीत या काझड व अकोले गावच्या सीमेवर असलेल्या कधी जोड प्रकल्पाच्या चार नंबर गेटवर दोन शेतकरी आपल्या विद्युत पंपाचे पाहणी करण्याकरता गेले असता, दोर तुटून आत पडल्याची प्राथमिक माहिती समोर येत असून, शोध कार्य सध्या सुरू आहे.

या घटनेमध्ये काझड येथील रतिलाल बलभीम नरुटे (वय वर्ष ५०) अनिल बापूराव नरुटे (वर्ष ३५) हे दोन शेतकरी बेपत्ता आहेत. सदर घटनेची माहिती मिळतात वालचंदनगर पोलीस ठाण्याचे सहाय्यक पोलीस निरीक्षक विक्रम साळुंखे व उपनिरीक्षक अतुल खंदारे दाखल झाले. शोध कार्यासाठी क्रेन व इतर साधनसामग्रीची मागणी करण्यात आली आहे.

सुमारे २७४ फूट हा बोगदा खोल असल्याने तपास कार्यास वेळ लागणार आहे. इंदापूरचे निवासी नायब तहसीलदार अनिल ठोंबरे, अनिकेत भरणे, यांच्यासह परिसरातील ही घटनास्थळी दाखल झाले आहेत.