वालचंदनगर - वालचंदनगर पोलिस ठाण्याच्या हद्दीमध्ये बुलेट गाड्यांचे सायलेन्सर बदलून फट् - फट् आवाज करीत फिरणाऱ्या युवकांच्या ११ बुलेट गाड्या जप्त करुन सायलेन्सरवरुन पोलिसांनी रोलर फिरविला..वालचंदनगर पोलिस ठाण्याचे पाेलिस निरीक्षक गोपाळ पवार यांनी पोलिस ठाण्याच्या हद्दीमध्ये हुल्लडबाजी करणाऱ्या युवकांच्या विरोधात कडक मोहिम उघडली आहे. वाहतुक विभागाचे सहायक पोलिस उपनिरीक्षक रमेश शिंदे, पोलिस काॅन्सटेबल अमोल सोनवणे यांनी कारवाई करुन परीसरामध्ये नाकाबंदी करत फट् -फट् आवाज करीत फिरणाऱ्या ११ बुलेट गाड्या जप्त केल्या..बुलेट गाड्यांचे सायलेन्सर काढून सायलेन्सर वरुन रोलर फिरविला आहे. यासंदर्भात पोलिस निरीक्षक गोपाळ पवार यांनी सांगितले की, काही युवकांनी फट् - फट् आवाज करणारे सायलेन्सर पंजाबवरुन मागविले आहेत. चौकामधून फट् - फट् आवाज करुन गाड्या चालवत असून याचा त्रास सर्वसामान्य नागरिकांना होत आहे..अशा गाड्यांच्या विरोधात पोलिसांनी माेहिम उघडली असून तातडीने कारवाई करण्यात येत आहे. परीसरातील नागरिकांनी अशा आवाजाची गाडी फिरत असल्यास तातडीने पोलिसांना कळवावे.त्यांच्यावर कडक कारवाई करण्याचा इशारा दिला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
