पुणे - आरटीओ चौक ते बंडगार्डन पूल या वर्दळीच्या रस्त्याला पर्यायी मार्ग म्हणून ९० कोटी रुपये खर्च करून मुळा-मुठा नदीच्या कडेने वेलस्ली रस्ता विकसित केला जाणार आहे. पण महापालिकेतील सत्ताधारी पदाधिकाऱ्याने लाडक्या ठेकेदाराला हे काम मिळावे यासाठी दबाव आणला आहे. ठेकेदारांच्या पात्र-अपात्रतेचा निर्णय अधिकारी घेत नसल्याने एप्रिल महिन्यापासून निविदा प्रक्रिया ठप्प झाली आहे.
