सबस्क्राईब करा
पुणे : चोरट्यांनी लष्करातील जवानासह सुरक्षा रक्षकाला मारहाण करुन रोकड आणि मोबाईल असा सुमारे १७ हजारांचा मुद्देमाल हिसकावून नेला. ही घटना घोरपडी येथील सोपानबाग परिसरात कॅनॉल रस्त्यावर घडली.
या प्रकरणी परशुराम बसप्पा नगराळे (वय ३९, रा. मुंढवा) यांनी फिर्याद दिली आहे. त्यावरून वानवडी पोलिस ठाण्यात चोरट्यांविरुद्ध गुन्हा दाखल केला आहे. पोलिसांनी दिलेल्या माहितीनुसार, नगराळे हे मागील दोन वर्षांपासून मुंढवा येथील आर्मी स्पोर्टस इन्स्टिट्यूटमध्ये वाहनचालक आहेत.
ते शनिवारी रात्री नऊ वाजण्याच्या सुमारास सोपानबाग परिसरातून कॅनॉल रस्त्याने सायकलवर जात होते. त्या वेळी तीन अनोळखी व्यक्ती सुरक्षारक्षक मोहित छोटेलाल साकेत यांना रस्त्यात अडवून मारहाण करीत होते.
नगराळे यांनी हा प्रकार पाहिल्यानंतर त्यांनी चोरट्यांना रोखण्याचा प्रयत्न केला. परंतु त्यापैकी एकाने नगराळे यांना दगड फेकून मारला. चोरट्यांनी नगराळे यांना चाकूचा धाक दाखवून मोबाईल हिसकावून त्याचा पासवर्ड घेतला. त्यांची सायकल कॅनॉलमध्ये फेकून दिली. तसेच, चोरट्यांनी सुरक्षा रक्षकाला धमकावून त्यांचाही मोबाईल हिसकावून घेतला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
