तेरुंगण आश्रमशाळेला ़‘रोटरी’तर्फे ११ संगणक

भीमाशंकर ता. १७ ः तेरुंगण (ता. आंबेगाव) येथील शासकीय माध्यमिक आश्रमशाळेला रोटरी क्लब ऑफ पुणे स्पोर्ट्स यांच्याकडून ११ संगणक संच देण्यात आल्याची माहिती मुख्याध्यापक अभिमन्यू भुजबळ यांनी दिली.
संगणक कक्षाचे उद्‍घाटन रोटरी क्लबचे अध्यक्ष सुश्रुत सरदेसाई यांच्या हस्ते करण्यात आले. या प्रसंगी रोटरी क्लब ऑफ पुणेचे बीएमके सेठी, नितीन जोशी, डॉ. माधव कणकवले, सूर्यकांत नाशिककर, शाळा व्यवस्थापन समिती अध्यक्ष सोपान केवळ, उपाध्यक्ष लक्ष्मी लोहोकरे, माजी सरपंच दीपक चिमटे, संतोष वायळ आदी उपस्थित होते. सूत्रसंचालन साधना जपके यांनी केले. आभार शंकर दांगट यांनी मानले.