...अन्‌ चेतला प्लाझ्मादानाचा यज्ञकुंड!;२१६ जणांना जीवदान

पुणे - कोण कोरोनाशी लढत होतं, तर कोण रुग्णशय्येवर पडून त्याच्याशी झुंज देत होतं. मृत्यूच्या दारापर्यंत पोहचलेल्यांत कुठं घरातला कर्ता पुरुष होता, तर कुठं कोणाची मायबहीण. त्यांना तेथून परत आणायचंय... पण कसं? या प्रश्‍नावर एकच उत्तर होतं, ते म्हणजे ‘प्लाझ्मा’!

औरंगाबाद महापालिकेत सत्ता आली तर संभाजीनगरचा ठराव देऊ : चंद्रकांत पाटील​

या अत्यवस्थ रुग्णांना प्लाझ्मा मिळवून देण्यासाठी तरुणाईची एक फळी हिरिरीनं उभी राहिली. मुंढव्यातील रूपा फाउंडेशनच्या छत्राखाली ती एकवटली अन्‌ रात्रीचा दिवस करीत त्यांनी प्लाझ्मादानाचा यज्ञकुंड चेतवला. कोरोनाच्या आजारातून बऱ्या झालेल्यांचा शोध घेऊन त्यांना प्लाझ्मादानासाठी प्रवृत्त करणं, हे एक आव्हानच! पण, हे आव्हान या तरुणाईनं स्वीकारत तब्बल दोनशे सोळा जणांना प्लाझ्मादान केलं.  

नववर्षात पुणेकरांना लागली सिंहगडाची ओढ; मागील 3 दिवसांपासून पर्यटकांची गर्दी​

याबाबत फाउंडेशनचे संस्थापक अध्यक्ष सागर भंडारी म्हणाले, ‘‘कोरोनानं अनेकांचा मृत्यू होत असताना फाउंडेशनच्या माध्यमातून खासगी, सरकारी रुग्णालयांतून कोरोनावर मात केलेल्यांची यादी गोळा केली. त्यांच्याशी व्यक्तिशः संपर्क साधून, त्यांना प्लाझ्मादानाचे महत्त्व पटवून दिले. शंभर जणांशी संपर्क साधल्यावर त्यातील पाच ते दहा जण होकार द्यायचे; पण आम्ही धीर सोडला नाही. ‘थेंबे थेंबे तळे साचे’ या उक्तीनुसार आम्ही आमचे कार्य सुरूच ठेवले. त्यातून दोनशे सोळा जणांना आम्ही प्लाझ्मा देऊ शकलो. यासाठी ऋषी साबळे, दीपक पाटील, सुरेश सपकाळ, रवींद्र खैरे आदींचे सहकार्य लाभले.’’ 

रक्त असो प्लाझ्मा, हे कोणत्याही जाती धर्माच्या पलीकडील आहे. तुम्ही कितीही श्रीमंत असा अथवा गरीब, मात्र प्लाझ्मा हा सर्वांसाठी एक समानच आहे. या कार्यात बरे- वाईट अनुभव मिळाले. अनेकांचे आशीर्वाद, शुभेच्छा मिळाल्या. एखाद्याचे प्राण वाचवतानाचे समाधान अवर्णनीय असून ज्यांना प्लाझ्मा हवा आहे, अशा गरजवंतांनी ९७६७८०४२८४ या क्रमांकावर संपर्क साधण्याचे भंडारी यांनी आवाहन केले आहे.

पुण्याच्या बातम्या वाचण्यासाठी येथे ► क्लिक करा

कोरोना बाधित झाल्याने माझ्या पतीला प्लाझ्माची गरज असल्याचे डॉक्‍टरांनी सांगितले. नेमकी कोणाकडे मदत मागावी, काहीच कळत नव्हते, अशावेळी सागर भंडारी आणि त्यांचे सहकारी देवासारखे आमच्या मदतीला धावून आल्याने कोरोनावर मात करणे शक्‍य झाले. 
- आरती गिरीश भालेराव, केडगाव

माझे वडील कोरोनाच्या प्रादुर्भावामुळे हॉस्पिटलमध्ये दाखल असताना प्लाझ्मासाठी शोधाशोध सुरू होती, मात्र अशा या संकटकाळी रूपा फाउंडेशनच्या माध्यमातून प्लाझ्मा उपलब्ध झाल्याने त्यांना पुनर्जन्म लाभला. 
- मोनाली जगताप-धारवाडकर, मांजरी

हुंड्यासाठी सासरचे करायचे छळ; जीवनाला कंटाळून विवाहितेनं घेतला गळफास​

फाउंडेशनचे  सामाजिक उपक्रम
रूपा फाउंडेशनच्या माध्यमातून अनेक सामाजिक उपक्रम राबविले जातात. ‘बेटी बचाव, बेटी पढाव’ उपक्रमात सातत्यानं सहभाग, लॉकडाउनच्या काळात ४०० गरजवंतांना धान्यकिटचं वाटप, रिक्षा चालकांना धान्य, मास्क वाटप, रोटरी क्‍लब व फाउंडेशनच्या सहयोगातून ५०० सॅनिटायझर बॉटलचं वाटप, गरीब व्यक्तींना हॉस्पिटल प्रवेशासाठी मदत, तसेच  खिळेविरहित झाडं, असे अनेक उपक्रम फाउंडेशननं राबविले आहेत.