महाराष्ट्र नवनिर्माण सेनेच्या रणरागिणी अशी ओळख असलेल्या रुपाली पाटील ठोंबरे (Rupali Patil Thombare ) यांनी अखेर मनसे सोडली आहे. यापूर्वीच त्यांनी एका मुलाखतीमध्ये पक्ष सोडण्याबाबतचे संकेत दिले होते. रुपाली पाटील ठोंबरे यांनी यासंदर्भात महाराष्ट्र नव निर्माण सेनेचे अध्यक्ष राज ठाकरे (Raj Thackeray) यांना पत्र लिहिले आहे. या पत्रात त्यांनी मी माझ्या महाराष्ट्र नवनिर्माण सेना (Maharashtra Navnirman Sena) पक्षातील सर्व पदासह पक्षाचा प्राथमिक सदस्य पदाचा राजीनामा देत आहे, असा उल्लेख त्यांनी केला आहे.
आपण दिलेलं बळ नेहमी संघर्ष करण्याची प्रेरणा देत राहिल. यापुढेही आपले आशीर्वाद आणि राज साहेब ठाकरे हे नाव ह्रदयात कायम राहिल, अशा भावनिक शब्दांचा उल्लेख त्यांनी राज ठाकरे यांना लिहिलेल्या पत्रात केला आहे.
मनसेचे अध्यक्ष राज ठाकरे पुणे (Pune) दौऱ्यावर येण्याआधीच रूपाली पाटील ठोंबरे यांनी पक्षाचा राजीनामा दिला आहे. त्या लवकर नव्या पक्षात प्रवेश करणार असल्याचे बोलले जात आहे. महानगर पालिकेच्या निवडणुकांपूर्वी पुण्यात मनसेला मोठ खिंडार पडले आहे. पुढील दोन दिवस राज ठाकरे पुणे जिल्हा आणि पुणे शहराच्या दौऱ्यावर आहेत. पक्षांतर्गत वादामुळे रुपाली पाटील ठोंबरे यांनी मोठा निर्णय घेतला आहे. त्या मनसेच्या महिला प्रदेश उपाध्यक्ष होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
