पुणे : राष्ट्रवादी कॉंग्रेस पक्षाच्या महिला आघाडीच्या नेत्या रुपाली ठोंबरे-पाटील यांच्याविषयी महाराष्ट्र नवनिर्माण सेनेच्या कार्यकर्त्यांनी समाजमाध्यमांवर बदनामीकारक मजकूर टाकल्याचा प्रकार उघडकीस आला आहे. याप्रकरणी मनसेच्या 16 कार्यकर्त्यांविरुद्ध फरासखाना पोलिस ठाण्यात गुन्हा दाखल करण्यात आला आहे. मनसेचे पदाधिकारी व कार्यकर्ते सागर चव्हाण, गजानन पाटील, प्रसाद राणे, धृवराज ढकेडकर, राजेश दंडनाईक, कुमार जाधव, सचिन कोमकर, सावळ्या कुंभार, निजामुद्दीन शेख, सुधीर लाड यांच्यासह आणखी सहा जणांविरुद्ध गुन्हा दाखल करण्यात आला.
याप्रकरणी ऍड. पूनम गुंजाळ यांनी फरासखाना पोलिस ठाण्यात फिर्याद दिली आहे. फेसबुकवर "एक करोड ताईवर नाराज' असा ग्रुप तयार करण्यात आला होता. त्यानुसार, त्या ग्रुपमध्ये सहभागी होण्यासाठी ऍड.गुंजाळ यांना फ्रेंड रिक्वेस्ट पाठविण्यात आली होती. ऍड.गुंजाळ यांनी त्याचा स्विकार केल्यानंतर त्यांना संबंधीत ग्रुपवरील मजकुरात रुपाली पाटील यांचे छायाचित्र वापरून बदनामीकारक मजकूर टाकल्याचे आढळून आले. त्यानंतर ऍड.गुंजाळ यांनी महिलांविषयी बदनामीकारक मजकूर टाकू नका, असे तेथे लिहीले. दरम्यान, सुधीर लाड याने त्याच्या वैयक्तिक फेसबुक खात्यावरुन खात्यातून ध्वनीचित्रफित प्रसारित करून शिवीगाळ केल्याचे निदर्शनास आले. त्यानंतर ऍड. गुंजाळ यांनी फरासखाना पोलिस ठाण्यात फिर्याद दिली.या प्रकरणाचा तपास पोलिस निरीक्षक शब्बीर सय्यद करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.