पुणे - नागरिकांनी मिळकतकर भरून महापालिकेच्या विकास कामांना हातभार लावावा यासाठी गेले दोन महिने निवासी मिळकतकरावर ५ ते १० टक्के सवलत देण्यात आली होती. आज (ता.७) अखेरच्या दिवशी सायंकाळी सात पर्यंत ७ लाख ७५ हजार १४० मिळकतधारकांनी १४११ कोटी रुपये महापालिकेच्या तिजोरीत जमा केले आहेत. गेल्या वर्षीच्या तुलनेत तब्बल ३ हजार ३७६ नागरिकांनी कर भरणा केलेला नाही. त्यामुळे महापालिकेला अपेक्षित उत्पन्नाला आहोटी लागली आहे.