पुणे - शहरातील मुळा-मुठा नदी आणि विविध तलावांमधील जलपर्णी यांत्रिकी पद्धतीने काढण्यासाठी गेल्या चार वर्षांत ७ कोटी ९७ लाख रुपयांचा खर्च झाला आहे. तरीही नदी, तलावांमधील जलपर्णीचे प्रमाण कमी झालेले नाही..पुणे महापालिकेच्या सर्वसाधारण सभेत राष्ट्रवादी काँग्रेसचे नगरसेवक दत्तात्रय बहिरट यांनी विचारलेल्या लेखी प्रश्नाला प्रशासनाने उत्तर दिले आहे. मुळा-मुठा नदीसह पाषाण, कात्रज, जांभूळवाडी आणि राजीव गांधी प्राणिसंग्रहालयातील तलावांमधील जलपर्णी काढण्याचे काम पर्यावरण विभागाने २०२२-२३ पासून हाती घेतले आहे. गेल्या चार वर्षांत १२ कामांतर्गत १२ कोटी ८८ लाख रुपये मंजूर करण्यात आले होते. त्यापैकी ७ कोटी ९७ लाख रुपयांची बिले ठेकेदाराला दिली आहेत..जलपर्णी काढण्यासाठीच्या निविदेत स्पायरर मशीन वापरणे, काढलेली जलपर्णी निश्चित केलेल्या ठिकाणी वाहतूक करून टाकणे अपेक्षित आहे. अनेकदा ही जलपर्णी नदी, तलावातून काढून बाजूला टाकली जाते. पावसाळ्यात जलपर्णी पुन्हा नदी, तलावात वाहून जाते..यात ठेकेदार याचा खर्च दाखवून बिले काढतात. त्याचा त्यांना मोठ्या प्रमाणात फायदा होतो. त्याच प्रमाणे पूर्वगणनपत्रकापेक्षा ३०-४० टक्केपेक्षा कमी दराने निविदा मंजूर केल्या जात असल्याने ठेकेदार पूर्ण क्षमतेने काम करत नाही. जलपर्णी काढण्यापेक्षा ती पाण्यातून वाहून जाईल यासाठी प्रयत्न केले जातात.त्यामुळे दरवर्षी जलपर्णी काढण्याच्या नावाखाली कोट्यवधी रुपयांचा खर्च होत असूनही, ही समस्या कायमस्वरूपी सुटलेली नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
