पिरंगुट - मुठा खोऱ्यातील आंदगाव (ता. मुळशी) येथील लवासा रस्त्यावर सफारी गाडी पलटी होऊन सहा जण जखमी झाल्याची घटना घडली. या अपघातातील दोघे जण गंभीर जखमी झालेले आहेत. अपघातग्रस्त सर्व तरुण हे बाणेर येथील आहेत..पौड पोलिसांनी दिलेल्या माहितीनुसार, आज सोमवारी (ता. १) रोजी रात्री आठ वाजता ही घटना घडली. लवासावरून सफारी गाडीने (एम एच १२ जीआर १११२) तीन तरुण व तीन तरुणी असे सहाजण मुठा गावच्या दिशेने जात होते..आंदगाव येथील लवासा रस्त्यावर रात्री आठ वाजता चालकाचे गाडीवरील नियंत्रण सुटल्याने सफारी गाडीने तीन ते चार पलट्या घेतल्या व गाडी रस्त्यालगतच्या एका झाडाला धडकली त्यात सहाजण जखमी झाले असून दोघे जण गंभीर जखमी आहेत. गंभीर जखमींमध्ये एक तरुण व एका तरुणीचा समावेश आहे. जखमींना पिरंगुट येथील खासगी रुग्णालयात उपचारासाठी दाखल करण्यात आलेले आहे. पुढील तपास पौड पोलिस करीत आहेत..जखमींची नावे पुढीलप्रमाणे -स्वराज जीवन ताम्हाणे (वय-२८, रा. बाणेर, पुणे), कुणाल नामदेव भोसले (वय-२८ रा. बाणेर), निशा खराटे (पूर्ण नाव व पत्ता माहीत नाही), शंकर चव्हाण (पूर्ण नाव माहित नाही), नंदिनी (पूर्ण नाव व पत्ता माहित नाही), पाडाळे (मुलगी, पूर्ण नाव माहित नाही).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
