संत सोपानकाका व संत चांगावटेश्वर महाराज पालखी मार्ग व्हावा

सासवड शहर : श्री संत सोपानकाका महाराज व श्री संत चांगावटेश्वर महाराज पालखी मार्ग केंद्र सरकारने ताब्यात घेवून रस्ता व्हावा यासाठी भारतीय जनता युवा मोर्चाच्या शिष्ट मंडळाने केंद्रीय दळणवळण मंत्री नितीन गडकरी यांची भेट घेऊन मागणी केली.

पुणे-पंढरपूर पालखी मार्गाचे भूमिपूजन नुकतेच गडकरी यांचे कल्पनेतुन आणि पंतप्रधान मोदीजींच्या हस्ते नुकतेच संपन्न झाले. पुणे जिल्हातुन संत ज्ञानेश्वर आणि संत तुकाराम महाराज यांच्या शिवाय संत सोपानकाका व संत चांगावटेश्वर महाराजांची महत्वपुर्ण पालखी पंढरपूरला जात असतात.

त्या पैकी संत सोपानकाका यांची पालखी सासवड, पांगारे, मांडकी. निंबुत, को-हाळे बु. बारामती, लासुर्णे, निरवांगी, अकलूज, भंडी शेगाव, वाखरी मार्गे ही पालखी पंढरपूरला जाते. तसेच संत चांगावटेश्वर पालखी अनुक्रमे सासवड, कुंभारवळण, एखतपूर, मुंजवडी, खानवडी, पारगाव, वाघापूर, शिंदवने, मार्गे बोरीऐदी, तद्नंतर संत तुकाराम महाराज पालखी मार्गे जात असते. सध्या हा रस्ता राज्याच्या सार्वजनिक बांधकाम विभागाकडे आहे.

आपणास विनंती आहे की. या मार्गाची सुधारणा करण्यासाठी तो केंद्राकडे वर्ग करून घेत त्याचेही रूंदीकरण आणि मजबुतीकरण काम करण्यात यावे अशी मागणी भारतीय जनता युवा मोर्चा शिष्ट मंडळाने राज्याचे माजी मंत्री बाळा भेगडे, पुण्याचे माजी खा. प्रदिप रावत, जिल्हा युवा मोर्चाचे सरचिटणीस अँड. श्रीकांत ताम्हाणे, सोशल मीडिया महाराष्ट्र प्रदेशचे श्रीकांत थिटे, वाल्हे गावचे नेते आदेश भुजबळ यांच्या उपस्थितीत मागणी करण्यात आली.