
पुणे : दर्जेदार आणि निष्पक्ष वार्तांकनाच्या पाठीशी वाचक भक्कमपणे उभे राहतात, याची प्रचिती ‘वॅन - इफ्रा’च्या (WAN-IFRA) जागतिक पातळीवरील डिजिटल मीडिया पुरस्कारांमध्ये पुन्हा एकदा आली. ‘सकाळ प्लस’ या प्रीमियम कन्टेंटसाठीच्या उपक्रमास ‘वॅन-इफ्रा’चे सुवर्ण पारितोषिक मिळाले आहे. वाचकांच्या हिताचा, सखोल विश्लेषणात्मक आणि दर्जेदार पत्रकारितेसाठी सबस्क्रिप्शन मॉडेल स्वीकारणारे ‘सकाळ’ हे मराठीतील पहिलाच माध्यम समूह आहे. वाचकांनीही या उपक्रमावर पसंतीची मोहोर उमटवल्याचेच ‘वॅन-इफ्रा’च्या या पुरस्कारातून प्रतिबिंबित होत आहे.