पालखी महामार्गावर वृक्षारोपण

NPT26B08637, NPT26B08638, NPT26B08639

संत ज्ञानेश्‍वर पालखी मार्गावर वृक्षारोपण
नातेपुते, ता. २ ः श्रीसंत शिरोमणी ज्ञानेश्वर महाराज पालखी महामार्गावर श्री विठ्ठल रुक्मिणी मंदिर देवस्थान, नरवीर तानाजी वाडी ( पुणे) यांच्या वतीने वृक्षारोपण करण्यात आले.
श्री ज्ञानेश्वर महाराज पालखी महामार्ग होण्यासाठी वारकरी संप्रदायाची अनेक वर्षांची मागणी होती. पंतप्रधान नरेंद्र मोदी, केंद्रीय मंत्री नितीन गडकरी यांच्या मुळे वारकऱ्यांच्या स्वप्नातील ज्ञानेश्वर महाराज व तुकाराम महाराज पालखी महामार्ग झाला आहे. हे महामार्ग तयार करीत असताना या दोन्ही महामार्गांवरील अनेक पुरातन वृक्षांची मोठ्या प्रमाणात तोड झाली आहे. त्यामुळे पायी वारी करणाऱ्या वारकऱ्यांचा हक्काचा निवारा गेला आहे.
प्रत्येक काम शासनानेच करावे असे गृहीत न धरता आपलीही जबाबदारी म्हणून श्रीसंत ज्ञानेश्वर महाराजांचे चोपदार ह.भ.प. रामभाऊ चोपदार यांनी आवाहन केल्यानुसार नरवीर तानाजी वाडी पुणे यांच्या वतीने हभप श्रीकांत महाराज पातकर यांच्या मार्गदर्शनाखाली पालखी महामार्गावर तीन वर्ष वयाची कदंब, करंज, कडुनिंब ,कपित्थ, आम्र, अश्वत्थ, वड, चिंच, आवळा, गुलमोहर, सीता अशोक, बकुळ, पळस, औदुंबर, ताम्हण, जंगली सोनचाफा, अर्जुन, जंगली आंबा, जंगली बदाम
२० देशी प्रजातीच्या १२० वृक्षांचे जेसीबीने खड्डे घेऊन ६० कुटुंबीयांच्या हस्ते वृक्षारोपण करण्यात आले.