शिष्यवृत्ती परीक्षा १६ फेब्रुवारीला

सकाळ वृत्तसेवा
शुक्रवार, 7 फेब्रुवारी 2020

शाळा कशी शोधायची?
अनेक प्रवेशपत्रांवर परीक्षा केंद्राच्या शाळेचा पत्ता अर्धवट आणि चुकल्याच्या बाबी समोर आल्या आहेत. शाळेचे नाव, तालुका आणि जिल्हा एवढाच पत्ता दिला आहे. काही प्रवेशपत्रांवर बिबवेवाडी हा तालुका दाखविण्यात आला आहे. या प्रवेशपत्रांवर शाळांचा कोड दिलेला असला, तरी विद्यार्थी वा त्यांच्या पालकांनी शाळा कशी शोधायची, असा प्रश्‍न उपस्थित केला जात आहे.

गट शिक्षणाधिकाऱ्यांशी संपर्क साधावा
प्रवेशपत्रांवरील चुकीच्या पत्त्यांबाबत परिषदेच्या उपायुक्त स्मिता गौड म्हणाल्या, ‘‘परीक्षा केंद्राचा पत्ता चुकीचा वा अर्धवट वाटत असेल, समजत नसेल, तर त्या शाळांनी संबंधित गट शिक्षणाधिकाऱ्यांशी संपर्क साधावा. त्यांना सुधारित पत्ता कळविण्यात येईल. तसेच, पालकांना परीक्षा केंद्राच्या संपर्काबाबत संभ्रम असेल, तर त्यांनी पाल्याच्या शाळेशी संपर्क करावा, त्यांना योग्य पत्ता समजू शकेल.’’

पुणे - महाराष्ट्र राज्य परीक्षा परिषदेकडून घेण्यात येणारी पाचवी आणि आठवीची शिष्यवृत्ती परीक्षा १६ फेब्रुवारी रोजी होणार आहे, त्यासाठी विद्यार्थ्यांना देण्यात आलेल्या प्रवेशपत्रात परीक्षा केंद्रांचा पत्ता चुकल्याची बाब समोर आली. दरम्यान, परीक्षा केंद्राचे योग्य पत्ते संबंधित शाळांना कळविण्यात येतील, असे राज्य परीक्षा परिषदेने स्पष्ट केले आहे.

ताज्या बातम्यांसाठी डाऊनलोड करा ई-सकाळचे ऍप

या परीक्षेसाठी दोन पेपर असतील. पहिला पेपर सकाळी अकरा ते दुपारी साडेबारा या वेळेत होईल. यात प्रथम भाषा विषयाचे २५ प्रश्‍न असतील, त्याला ५० गुण; तर गणित विषयातील ५० प्रश्‍नांसाठी १०० गुण, असा एकूण १५० गुणांचा पेपर असेल. या परीक्षेचा दुसरा पेपर दुपारी दीड ते तीन या वेळेत होईल. 

मुख्यमंत्र्यांच्या विधानाने भाजपच्या आशा पल्लवित, कारण...  

तृतीय भाषा विषयात ५० गुणांचे २५ प्रश्‍न, तर बुद्धिमत्ता चाचणीचे १०० गुणांचे ५० प्रश्‍न असतील.

पाचवी आणि आठवीच्या परीक्षेसाठी वेगवेगळी परीक्षा केंद्रे असतील. पुणे जिल्ह्याच्या ग्रामीण भागात पाचवीसाठी ३०३ केंद्रे, आठवीसाठी १७५, पुणे महानगरपालिका हद्दीत पाचवीसाठी ६४, आठवीसाठी ३९, पिंपरी- चिंचवड महानगरपालिका हद्दीत पाचवीसाठी ४८ आणि आठवीसाठी २९ परीक्षा केंद्रे असतील. 

परीक्षा केंद्रे ही विविध शाळांमध्ये देण्यात आली आहेत. त्यांचा पत्ता परिषदेने परीक्षेच्या प्रवेशपत्रावर दिलेला आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Scholarship Examination on 16th February