पुणे : वैद्यकीय प्रवेशाच्या प्रवेश प्रक्रिया (Admission Process) सुरू झालेली नसल्याने अभियांत्रिकी, फार्मसी, कृषी पदवीसह इतर अभ्यासक्रमांच्या प्रवेश प्रक्रिया लांबणीवर पडल्या आहेत. अनेक विद्यार्थ्यांचे प्रवेश निश्चित झालेले नसल्याने हे विद्यार्थी पुणे महापालिकेच्या (Pune Corporation) शिष्यवृत्ती (Scholarship) योजनेपासून वंचित राहण्याची शक्यता आहे. त्यामुळे या योजनेचे अर्ज (Application) भरण्यासाठी २८ जानेवारीपर्यंत मुदत वाढवली आहे. ही मुदत ३१ डिसेंबर रोजी संपणार होती, अशी माहिती अतिरिक्त आयुक्त ज्ञानेश्वर मोळक यांनी दिली.
महापालिकेतर्फे इयत्ता दहावीमधील विद्यार्थ्यांसाठी भारतरत्न मौलाना अबुल कलाम आझाद आणि बारावीच्या विद्यार्थ्यांसाठी लोकशाहीर अण्णाभाऊ साठे अर्थसाहाय्य योजनेतंर्गत शिष्यवृत्ती दिली जाते. यामध्ये समाज विकास विभागातर्फे महापालिका हद्दीत राहणाऱ्या विद्यार्थ्यांना दहावीमध्ये ८० टक्के गुण मिळाल्यास १५ हजार व बारावी एवढेच गुण मिळाल्यास २५ हजार रुपायांची शिष्यवृत्ती दिली जाते. महापालिकेच्या शाळांमधील व मागासवर्गीय विद्यार्थ्यांसाठी ही अट ६५ टक्क्यांची आहे.
कोरोना विषाणूंच्या पार्श्वभूमीवर यंदा पदवीच्या प्रवेश प्रक्रिया लांबली आहे. आरक्षणाच्या मुद्द्यावरून वैद्यकीय पदवी प्रवेशाची नीटचे प्रवेश अजून सुरूच झाले नाहीत. त्यामुळे अनेक हुशार विद्यार्थ्यांना महापालिकेच्या योजनेसाठी अर्ज भरता आलेला नाही, त्यामुळे आता २८ जानेवारी पर्यंतची मुदतवाढ दिली आहे. आत्तापर्यंत या योजनेसाठी ११ हजार ०९१ अर्ज आले आहेत. शिष्यवृत्तीसाठी महापालिकेच्या अंदाजपत्रकात २१ कोटीची आहे, अशी माहिती मोळक यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
