कासार आंबोली येथील शाळेचे सीबीएससी बोर्ड परीक्षेत यश

पिरंगुट, ता. १८ : कासार आंबोली (ता. मुळशी) येथील ज्ञानदीप शिक्षण संस्था संचलित हेरिटेज इंटरनॅशनल स्कूलच्या विद्यार्थ्यांनी सीबीएससी बोर्ड परीक्षेत उज्ज्वल यश मिळवले आहे. सीबीएससी बोर्डाचा दहावीचा निकाल नुकताच जाहीर झाला. त्यामध्ये शाळेतील खुशी पाटील (९४. ६), हेमंत हेब्बालकर (९४. ४), सुयश आल्हाट (८७. ४), सुयश सुकाळे (८५. ८), आदित्य मिश्रा (८४. २), अंतरा सुतार (८२. ८), आर्यन खिलारे (८१), आदित्य कडाळे (७८. ८) व प्रज्योत मोरे (७८. ४) टक्के गुण मिळवित या विद्यार्थ्यांनी पहिल्या दहा क्रमांकांत बाजी मारली आहे. या शाळेचा दहावीचा सीबीएससी बोर्डाचा निकाल हा ९७ टक्के लागला आहे, अशी माहिती प्राचार्या डॉ. रेणू पाटील यांनी दिली. विद्यार्थ्यांनी मिळवलेल्या या यशाबद्दल संस्थेचे संस्थापक अध्यक्ष कृष्णा भिलारे, सचिव संगीता भिलारे, संचालक कुणाल भिलारे, कार्यकारी प्रशासकीय व्यवस्थापिका यशस्विनी भिलारे यांनी विद्यार्थी, शिक्षक व पालकांचे कौतुक केले आहे.