पुणे : येरवडा प्रादेशिक मनोरुग्णालयातून चार मनोरुग्ण गेल्या दोन आठवड्यामध्ये बेपत्ता झाल्यानंतर मनोरुग्णालय प्रशासनाने सहा कर्मचाऱ्यांना निलंबित केले. रात्रीच्या वेळी कर्तव्यावर असलेले चार सेवक आणि दोन हवालदार यांचा निलंबित केलेल्यांमध्ये समावेश आहे. यावरून येथे संरक्षक भिंत नसल्याचा मुद्दा समोर आला आहे. संरक्षण भिंतीचा अभाव व कर्मचाऱ्यांचा निष्काळजीपणा समोर आला आहे.