ज्येष्ठांसाठी मनोरंजनात्मक कार्यक्रम

पिंपळे सौदागर, ता. १ ः लिनीयर गार्डन ज्येष्ठ नागरिक संघ, पिंपळे सौदागर यांच्यावतीने सर्व सभासदांसाठी खेळ, मनोरंजन आणि हास्याचा कार्यक्रम उत्साहात पार पडला. या कार्यक्रमात सुमारे ९० ते १०० सभासदांनी उत्स्फूर्त सहभाग नोंदविला.
कार्यक्रमात ज्येष्ठांसाठी विविध खेळ व स्पर्धांचे आयोजन करण्यात आले होते. सर्व सहभागी सदस्यांनी आनंदाने व उत्साहाने स्पर्धांमध्ये भाग घेतला. सोडतीमध्ये अविनाश पुराणिक यांना प्रथम पारितोषिक मिळाले. तसेच स्पर्धांमध्ये अशोक पाटील, किर्तीमाला मोरे यांनी अनुक्रमे प्रथम व द्वितीय क्रमांक पटकावला.
अध्यक्ष अशोक वारकर यांनी संयोजन केले. कार्यक्रम यशस्वी करण्यासाठी हरिमोहन तिवारी, सी. व्ही. ब्राह्मणकर, प्रदीप बादगुडे, बोरसे पाटील, विकास अकोले आदींनी विशेष परिश्रम घेतले.