चाकण - चाकण येथील महात्मा ज्योतिराव फुले मार्केट यार्डच्या प्रवेशद्वारावर उद्या सावित्रीबाई फुले यांच्या जयंती निमित्ताने महात्मा ज्योतिराव फुले व क्रांतीज्योती सावित्रीबाई फुले यांच्या पूर्णाकृती पुतळ्याचे अनावरण होत आहे..त्या निमित्ताने ज्येष्ठ नेते शरद पवार, माजी उपमुख्यमंत्री छगन भुजबळ यांच्या उपस्थितीत पुतळ्याचे अनावरण होणार आहे. हे दोन्ही नेते एकाच व्यासपीठावर उद्या येणार आहेत. त्यामुळे सर्वांच्या नजरा या कार्यक्रमाकडे लागलेल्या आहेत. दरम्यान या कार्यक्रमाला दोन्ही नेते येणार असल्याची माहिती महात्मा ज्योतिराव फुले व क्रांतीज्योती सावित्रीबाई फुले ट्रस्टचे कार्याध्यक्ष तुकाराम कांडगे यांनी दिली..चाकण, ता. खेड येथील महात्मा ज्योतिराव फुले मार्केट यार्डच्या प्रवेशद्वारावर फुले दांपत्याच्या पुतळ्याचे अनावरण होत आहे. ज्येष्ठ नेते शरद पवार यांच्या हस्ते पुतळ्याचे अनावरण होत आहे. छगन भुजबळ यांनी उपमुख्यमंत्री अजित पवार यांची साथ धरल्यानंतर प्रथमच ज्येष्ठ नेते शरद पवार व छगन भुजबळ हे दोन्ही नेते एकाच व्यासपीठावर येत आहे..दरम्यान, मंत्रिमंडळाच्या विस्तारात ज्येष्ठ नेते छगन भुजबळ यांना डावल्यानंतर ते नाराज होते. त्यानंतर ते परदेशात गेले परदेशातून आल्यानंतर प्रथमच छगन भुजबळ चाकण येथील कार्यक्रमाला येत आहेत. त्यामुळे शरद पवार आणि छगन भुजबळ यांच्यात काही संवाद होणार का? यांच्यात काय वैचारिक बैठक होणार का? याकडे सर्वांचे लक्ष लागलेले आहे. त्यामुळे चाकण येथील उद्याच्या कार्यक्रमाला महत्व आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
