पुणे - हडपसर भागातील विवाहितेच्या हुंडाबळी प्रकरणात जिल्हा व सत्र न्यायालयाने आरोपी पती आणि सासू-सासऱ्यास सात वर्षे सश्रम कारावासाची शिक्षा सुनावली. न्यायालयाने गुरुवारी (ता. ३०) हा आदेश दिला..आरोपी पती संतोष विठ्ठल पवार (वय-४२), सासरा विठ्ठल तुकाराम पवार (वय-७१) आणि सासू मंगल विठ्ठल पवार (वय-६५, सर्व रा. लक्ष्मी कॉलनी, हडपसर) अशी आरोपींची नावे आहेत. पोलिसांनी दिलेल्या माहितीनुसार, संतोष पवार आणि सविता यांचा २०१२ मध्ये विवाह झाला.त्यानंतर पती आणि सासू-सासरा सविताला माहेरहून हुंड्यापोटी भांडी, दोन तोळे सोने, कुलर, फ्रिज आणण्याची मागणी करीत होते. त्यासाठी तिचा मानसिक व शारीरिक छळ केला जात होता. त्याला कंटाळून २५ मे २०१३ रोजी सविताने अंगावर रॉकेल ओतून पेटवून घेतले. त्यात गंभीर भाजल्याने तिचा मृत्यू झाला. याबाबत हडपसर पोलिस ठाण्यात गुन्हा दाखल करण्यात आला होता..या गुन्ह्याचा तपास पोलिस उपनिरीक्षक बी. एम. पवार यांनी केला. आरोपींविरुद्ध न्यायालयात मुदतीत दोषारोपपत्र सादर केले. या प्रकरणात सबळ साक्षी आणि पुराव्यांच्या आधारे न्यायालयाने आरोपींना सात वर्षे कारावास आणि आठ हजार रुपये दंडाची शिक्षा सुनावली..सरकारी पक्षातर्फे सहाय्यक सरकारी वकील प्रदीप गेहलोत, सहाय्यक फौजदार श्रीशैल तेलुनगी, पोलिस हवालदार अविनाश गोसावी यांनी कामकाज पाहिले. या कामगिरीसाठी प्रोत्साहन म्हणून पोलिस उपायुक्त डॉ. राजकुमार शिंदे यांनी उपनिरीक्षक पवार, सहाय्यक फौजदार तेलुनगी आणि हवालदार गोसावी यांना १० हजार रुपयांचे बक्षीस मंजूर केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
