पुणे : शीतपेयातून गुंगीचे औषध देऊन दोघांनी एका तरुणीवर लैंगिक अत्याचार केल्याचा प्रकार समोर आला आहे. याप्रकरणी एका वकिलासह व्यावसायिकाविरुद्ध लोणीकंद पोलिसांनी गुन्हा दाखल केला आहे.
याप्रकरणी एका ३२ वर्षीय तरुणीने एक एप्रिल रोजी फिर्याद दिली आहे. ॲड. विक्रम भाटे (वय ३४, रा. हडपसर) आणि वैभव शिंदे (वय ३४) अशी गुन्हा दाखल झालेल्या संशयितांची नावे आहेत. हा प्रकार वाघोली परिसरात जून २०२१ ते २५ जानेवारी २०२३ या कालावधीत घडला.
पोलिसांनी दिलेल्या माहितीनुसार, पीडित तरुणीची ॲड. भाटे आणि शिंदे यांच्यासोबत ओळख होती. हे दोघे तरुणीच्या घरी गेले. त्यांनी तिला आग्रह करून शीतपेयातून गुंगीचे औषध दिले. तरुणी बेशुद्ध पडल्यानंतर दोघांनी तिच्यासोबत अनैसर्गिक कृत्य केले. तसेच, त्याचे व्हिडिओ चित्रण करून तरुणीला धमकावून दुसऱ्यासोबत शारीरिक संबंध ठेवण्यास भाग पाडले.
त्यानंतर मारहाण करून व्हिडिओ व्हायरल करण्याची धमकी दिली. त्यामुळे लोणीकंद पोलिस ठाण्यात तक्रार दिली, असे तरुणीने फिर्यादीत नमूद केले. अन्य एका घटनेत ॲड. भाटे याच्याविरुध्द मगरपट्टा सिटीमधील एका व्यावसायिकाला १७ लाख ५० हजार रुपयांना लुबाडल्याप्रकरणी हडपसर पोलिसांनी नुकताच गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.