Pune Crime : पोलिस भरतीची तयारी करणाऱ्या तरुणीवर लैंगिक अत्याचार; पोलिस उपनिरीक्षकाविरुद्ध गुन्हा दाखल

पुणे - पोलिस भरतीची तयारी करणाऱ्या तरुणीवर एका पोलिस उपनिरीक्षकाने लैंगिक अत्याचार केल्याची घटना समोर आली आहे. या प्रकरणी त्याच्याविरुद्ध शिवाजीनगर पोलिसांनी गुन्हा दाखल केला आहे.

किरण माणिक महामुनी (वय ३८, रा. नागपूर) असे गुन्हा दाखल केलेल्या संशयिताचे नाव आहे. याबाबत एका पीडित तरुणीने १४ एप्रिल रोजी शिवाजीनगर पोलिस ठाण्यात फिर्याद दिली आहे. त्यानुसार तक्रारदार तरुणी आणि महामुनी दोघेही २०१७ मध्ये पोलिस भरतीची तयारी करीत होते.

त्यावेळी तिची महामुनीशी ओळख झाली. त्याने शिवाजीनगर परिसरात तरुणीवर लैंगिक अत्याचार केला. तरुणी गर्भवती झाल्यानंतर त्याने तिला जामखेड येथील एका खासगी रुग्णालयात नेले. तेथे तिला धमकावून गर्भपात केल्याचे तरुणीने फिर्यादीत म्हटले आहे.