शारजासाठी पुण्यातून आता थेट विमानसेवा उपलब्ध

पुणे - शारजासाठी (Sharjah) पुण्यातून थेट विमानसेवा (Aeroplane) शारजासाठी पुण्यातून (Pune) स्पाईसजेटद्वारे (Spicejet) थेट विमानसेवा शुक्रवारपासून (Friday) (ता. ७) सुरू होणार आहे.

हे विमान रात्री ९ वाजून ५० मिनिटांनी सुटेल. शारजावरून हे विमान पहाटे ५. वाजून ३० मिनिटांनी पुण्यासाठी निघेल. या प्रवासासाठी जाणाऱ्या प्रवाशांना ४८ तासांतील आरटीपीसीआर चाचणीचा निगेटिव्ह रिपोर्ट आवश्यक असेल. तसेच केंद्र सरकारच्या सूचनांनुसार प्रवासापूर्वी ६ तासांतील रॅपिड पीसीआर चाचणीचा निगेटिव्ह अहवाल बरोबर बाळगणे आवश्यक आहे. रॅपिड पीसीआर चाचणीची व्यवस्था विमानतळावर करण्यात आली आहे. त्यासाठी १९७५ रुपये शुल्क आकारण्यात येईल. या चाचणीचा अहवाल प्रवाशांना ३० ते ४५ मिनिटांत उपलब्ध होईल, अशी माहिती विमानतळाचे संचालक संतोष ढोके यांनी दिली