पुणे : ‘‘कृषिमंत्री माणिकराव कोकाटे यांच्या राजीनाम्याची मागणी शेतकरी संघटना व राजकीय पक्षांकडून होत आहे. तरीही ते पत्रकार परिषद घेऊन राजीनामा देणार नसल्याचे सांगतात. मुख्यमंत्री व उपमुख्यमंत्र्यांचा त्यांच्याच मंत्र्यांवर वचक राहिला नाही. ते सरकार टिकवण्यासाठी हतबल असून, मंत्रिमंडळातील बेताल वर्तनाकडे डोळेझाक करीत आहेत,’’ अशा शब्दांत शशिकांत शिंदे यांनी सरकारवर घणाघात केला.