रांजणगाव सांडस - कामठेवाडी-रांजणगाव सांडस (ता. शिरूर) येथील मेंढपाळाचा मुलगा भानुदास माणिक पठारे याने महाराष्ट्र राज्य लोकसेवा आयोगाच्या वतीने घेतलेल्या परीक्षेत उत्तीर्ण होऊन महसूल सहाय्यक पदाला गवसणी घातली आहे.
अतिशय गरीब कुटुंबातील आणि मेंढपाळाचा मुलगा महसूल सहाय्यक झाल्याने भानुदास पठारेचे परिसरात कौतुक होत आहे. आजोबा देवराम पठारे सालगडी ते गोदी कामगार असा प्रचंड कष्टाचा प्रवास, वडील माणिक देवराम पठारे व आई शीला माणिक पठारे हे तुटपुंजा शेतीबरोबर पारंपारिक मेंढपाळाचा व्यवसाय करतात असताना आई-वडील शेतातील पिकांना रात्री पाणी द्यायचे तर दिवसा मेंढरे सांभाळण्याचे काम करून आपला कुटुंबाचा उदरनिर्वाह करायचे.
आई-वडिलांनी केलेल्या कष्टाची प्रेरणा भानुदास याला स्पर्धा परीक्षेमध्ये महसूल सहाय्यक होण्यास प्रेरणादायी ठरली. मामा देविदास होलगुंडे व काका राघू कुलाळ, मित्र संदीप आसवले व प्रवीण बेनके यांनी वेळोवेळी आर्थिक व मानसिक आधार दिल्याचे भानुदास यांनी सांगितले.
भानुदास याचे प्राथमिक शिक्षक कामठेवाडी येथील जिल्हा परिषद शाळेत तर माध्यमिक शिक्षण न्हावरे (ता. शिरूर) येथील श्री मल्लिकार्जुन विद्यालयामध्ये तर उच्च माध्यमिक व महाविद्यालय शिक्षण शिरूर येथील सि. टी. बोरा कॉलेज मधून वाणिज्य शाखेची पदवी घेतली आहे.
भानुदास यांस छत्रपती शिवाजी ब्रिगेडचे अध्यक्ष तेजस धावडे-पाटील व रयत प्रगतीचे संस्थापक पोलिस उपनिरीक्षक उमेश कुदळे यांनी स्पर्धा परीक्षेविषयी वेळोवेळी मार्गदर्शन करून विविध सामग्री पुरवली.
स्पर्धा परीक्षेमध्ये तीन-चार वेळा अपयश आले. कोरोना काळातही अभ्यासातील सातत्यावर परिणाम झाला आणि यशाने थोडक्यात हुलकावणी दिली. मात्र मामांनी व पठारे कुटुंबीयांनी या परिस्थितीत विशेष प्रोत्साहन दिले. त्यामुळे पुढील काळात अभ्यासात सातत्य ठेवून जिद्द, चिकाटी व आत्मविश्‍वासाच्या जोरावर त्याने महसूल सहाय्यक पद खेचून आणले.
यशाचे सर्व श्रेय आई-वडील, पत्नी-काजल, भाऊ-सॉफ्टवेअर अभियंता ज्ञानेश्वर यांना देतो. आई, वडील, पत्नी, भाऊ म्हणाले, कितीही काळ जाऊ दे, तू लढ. पत्नीने घरकाम व जॉब याची सांगड घालून भक्कम साथ दिली. या सर्वांच्या जोरावरच मला हे यश संपादित करता आले. पुढील काळातही विविध स्पर्धा परीक्षा देऊन क्लास वन होण्याचे स्वप्न आहे.
- भानुदास पठारे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.