शिरूर : न्हावरे- चौफुला महामार्गावर आंधळगाव (ता. शिरूर) येथे शुक्रवारी (ता. ११) सकाळी सातच्या सुमारास सीएनजी पंपाजवळ समोरून येणाऱ्या दुचाकीला भरधाव पिकअप टेम्पोची धडक बसल्याने दुचाकीवरील दोन तरुणांचा मृत्यू झाला. .संदीप रोहिदास मदने (वय ३२, रा. नागरगाव, ता. शिरूर) व विक्रम महादेव सकट (वय ३०, रा. आंधळगाव) असे मृत तरुणांची नावे आहेत. मृत संदीप याचे भाऊ विकास रोहिदास मदने (रा. आंधळगाव) यांनी दिलेल्या फिर्यादीवरून शिरूर पोलिसांनी दत्तात्रेय रामचंद्र कदम (वय ३२, रा. रामलिंग, ता. शिरूर) या टेम्पोचालकाविरुद्ध गुन्हा दाखल केला..नागरगाव येथील मदने व सकट हे दोघे मंगळवारपासून (ता. १) करडे येथील एका कंपनीत सिक्युरिटी म्हणून कामाला जात होते. दोघेही शुक्रवारी सकाळी साडेसहा वाजता नागरगाव येथून दुचाकीवरून कामाला निघाले होते. यावेळी चौफुल्याकडे जाणाऱ्या टेम्पोची त्यांच्या दुचाकीला धडक बसली. पिकअपने दोघांना अक्षरशः शंभर फूट फरफटत नेले..दोघांनाही चंद्रकांत कुसेकर व ‘सकाळ’चे आंधळगाव येथील वार्ताहर प्रमोल कुसेकर यांच्यासह स्थानिकांनी शिरूर येथील खासगी रुग्णालयात हलविले. गंभीर मार लागल्याने संदीप याचा उपचारापूर्वीच मृत्यू झाला, तर विक्रम याला पुढील उपचारासाठी पुणे येथील खासगी रुग्णालयात दाखल केले होते. मात्र, उपचारादरम्यान त्याचा मृत्यू झाल्याचे डॉक्टरांनी घोषित केले. दरम्यान, संदीपचे दीड महिन्यापूर्वीच लग्न झाले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
