शिरूर : सामाजिक कार्यकर्ते नीलेश वाळूंज यांच्या, कायदा - सुव्यवस्थेकडे लक्ष वेधण्यासाठीच्या सत्याग्रह आंदोलनात बुधवारी आठव्या दिवशी त्यांची आई मंदा वाळूंज, पत्नी अश्विनी वाळूंज, मुली नक्षत्रा व मान्यता या देखील सहभागी झाल्या होत्या.
Sakal
शिरूर : शिरूर शहर व परिसरातील बिघडलेल्या कायदा व सुव्यवस्थेच्या स्थितीकडे प्रशासनाचे लक्ष वेधण्यासाठी तसेच शिरूर तालुका नशामुक्त करण्याच्या मागणीसाठी येथील तहसिल कार्यालयासमोर सत्याग्रह आंदोलन करणारे सामाजिक कार्यकर्ते नीलेश वाळूंज यांनी आंदोलनाची तीव्रता वाढविण्याचा इशारा आज दिला. दरम्यान, सत्याग्रह आंदोलनाच्या आठव्या दिवशी वाळूंज यांची आई, पत्नी व दोन्ही मुलींनी आज आंदोलनस्थळी थांबून दिवसभर अन्नत्याग केला.
