

Police Constable Arrested in Shirur Bribery Case After One-and-a-Half Months
esakal
सागर रोकडे
कवठे येमाई : शिरूर पोलिस ठाण्यात दाखल गुन्ह्यात मदत करण्यासाठी स्वतःसह वरिष्ठ अधिकाऱ्यांच्या नावाने एक लाख रुपयांची लाच मागून तडजोडीअंती ९५ हजार रुपये स्वीकारणारा आणि लाचलुचपत प्रतिबंधक विभागाच्या (एसीबी) पथकाला चकवा देत पसार झालेला हवालदार सतीश नाथराव मुंढे (वय ४५) अखेर पोलिसांच्या जाळ्यात अडकला. तब्बल दीड महिना फरार राहिलेल्या मुंढेच्या पोलिस कोठडीत न्यायालयाने सोमवारी (ता. २३) पर्यंत वाढ केली आहे. लाचेची मागणी करताना मुंढेने वरिष्ठ अधिकाऱ्यांचाही उल्लेख केल्याने या प्रकरणाचे धागेदोरे आता नेमके कुठपर्यंत पोहोचणार आणि ‘बड्या साहेबां’चीही चौकशी होणार का ? याकडे सर्वांचे लक्ष लागले आहे.