पुणे : छत्रपती शिवाजी महाराज यांच्या जयंतीनिमित्त शहरात शुक्रवारी (ता. १०) विविध संघटनांकडून मिरवणुकांचे आयोजन करण्यात येणार आहे. या मिरवणुकीदरम्यान वाहतूक कोंडी होऊ नये, यासाठी वाहतुकीत बदल करण्यात येणार आहेत. वाहनचालकांनी पर्यायी मार्गांचा वापर करावा, असे आवाहन वाहतूक शाखेचे पोलिस उपायुक्त विजयकुमार मगर यांनी केले आहे.
मुख्य मिरवणूक मार्ग
शिवजयंतीची मुख्य मिरवणूक भवानी पेठेतील भवानी माता मंदिर येथून रामोशी गेट चौक, नेहरू रस्त्याने ए. डी. कॅम्प चौक, संत कबीर चौकातून नाना चावडी चौकी, अरुणा चौक, नाना पेठ चौकी, अल्पना टॉकीज, डुल्या मारुती चौक, हमजेखान चौक, सतरंजीवाला चौक, तांबोळी मशीद चौक, सोन्या मारुती चौक, फडके हौद चौकातून लाल महालापर्यंत जाणार आहे.
मुख्य मिरवणूक मार्ग पर्यायी मार्ग
नेहरु रस्त्यावरील वाहतूक बंद केल्यानंतर पॉवर हाऊसकडून सेव्हन लव्हजकडे जाणाऱ्या वाहनचालकांनी कादर चौक- क्वार्टर गेट चौक, जुना मोटार स्टॅन्डमार्गे जावे अथवा पॉवर हाऊस ते समर्थ पोलिस ठाणे ते शांताई हॉटेल ते क्वार्टर गेट या मार्गाचा वापर करावा. तसेच, सेव्हन लव्हज चौकाकडून पॉवर हाऊसकडे जाणाऱ्यांनी बाहुबली चौक राजसबाई गंगाळे पथ-जुना मोटार स्टँडमार्गे जावे.
लक्ष्मी रस्त्यावरील वाहतूक बंद केल्यानंतर टिळक चौकाकडे जाणाऱ्यांनी नेहरू रोड- पॉवर हाऊस चौक- अपोलो टॉकीज- फडके हौद-जिजामाता चौकमार्गे जावे. तसेच, देवजीबाबा चौकाकडून मीठगंज चौकमार्गे स्वारगेटकडे जाणाऱ्यांनी देवजीबाबा चौक ते दारुवाला पूल-अपोलो सिनेमा ते पॉवर हाऊस चौकातून नेहरु रस्त्याचा वापर करावा.
गणेश रस्त्यावरील वाहतूक आवश्यकतेनुसार शिवाजीरोड मार्गे गाडगीळ पुतळा, बुधवार चौकमार्गे इच्छितस्थळी जाईल. मिरवणूक मोती चौक, फडके हौद चौकापुढे गेल्यानंतर वाहनचालक केळकर रस्त्याने बुधवार चौक, पासोड्या विठोबा मंदिरमार्गे येणारी वाहतूक आवश्यकतेनुसार अप्पा बळवंत चौक, बुधवार चौकातून वळून बाजीराव रस्त्याने, शिवाजी रस्तामार्गे इच्छितस्थळी जातील.
शिवाजी रस्त्यावरुन स्वारगेटला जाणाऱ्या वाहनचालकांनी स. गो. बर्वे चौकातून जंगली महाराज रस्त्याने खंडोजीबाबा चौक, टिळक रस्त्याने इच्छितस्थळी जावे. तसेच, स.गो. बर्वे चौकातून पुणे मनपा भवनकडे जाणाऱ्या वाहनचालकांनी स.गो. बर्वे चौकातून जंगली महाराज रस्त्याने झाशी राणी चौकातून डावीकडे वळून इच्छितस्थळी जावे. मिरवणुकीच्या मार्गांवर दोन्ही बाजूस वाहने उभी करण्यास बंदी आहे.
मुख्य मिरवणुकीव्यतिरिक्त शहरात लष्कर, खडकी भागात तसेच इतर भागात मिरवणुका निघणार आहेत. त्याठिकाणीही मिरवणूक संपेपर्यंत आवश्यकतेनुसार बदल करण्यात येणार आहेत.
लष्कर भागातील मिरवणूक
मिरवणूक मार्ग - खान्या मारुती चौक येथून ट्रायलक हॉटेल चौक, न्यू मोदीखानामार्गे मुफ्ती चौकातून उजवीकडे वळून कुरेशी मशीद, सेंट्रल स्ट्रीटने भोपळे चौक, सेंट्रल स्ट्रीट चौकी, आसुडखाना चौक येथे मिरवणूक विसर्जित होईल.
खडकी भागातील मिरवणूक
मिरवणूक मार्ग - शिवाजी पुतळा खडकी बाजार येथून सुरु होऊन कॅन्टोमेंट हॉस्पिटल चौक, श्रीराम मंदिर, आसुडखाना चौक, हुले रोडने नवी तालीम चौक, गोपी चौक, आंबेडकर चौक, टिकारा चौक, डी.आर. गांधी चौकातून शिवाजी पुतळा येथे विसर्जित होईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.